掃呢頁CODE去手機

2016年8月25日 星期四

周凱旋夠老友 幫董伯伯表妹擔埋遮 [壹週刊 - 1381] __,周凱旋,李嘉誠,M1,

落住毛毛雨,行去雪廠街等車,周凱旋擔遮遮埋老友。同你吟一吟周凱旋夠老友 幫董伯伯表妹擔埋遮上星期一(八月十五日),下晝接近放工時間,《壹》仔响中環Landmark見到富婆周凱旋,同閨密張培薇(前特首董建華表妹),孖咇巡名店。行完Dior,上樓去埋AlexanderMcQueen。是日平底布鞋襯購物袋,打扮比平日行政套裝young好多嘅周凱旋,大部分時間都係戙响飾櫃前,同店員吹水,hea住等。其實超 ...


落住毛毛雨,行去雪廠街等車,周凱旋擔遮遮埋老友。

同你吟一吟

周凱旋夠老友 幫董伯伯表妹擔埋遮

上星期一(八月十五日),下晝接近放工時間,《壹》仔响中環 Landmark見到富婆周凱旋,同閨密張培薇(前特首董建華表妹),孖咇巡名店。行完 Dior,上樓去埋 Alexander McQueen。是日平底布鞋襯購物袋,打扮比平日行政套裝 young好多嘅周凱旋,大部分時間都係戙响飾櫃前,同店員吹水, hea住等。

其實超人紅顏知己同董伯伯表妹唔只係手帕交,張培薇亦係周凱旋打骰、屬於李嘉誠私人投資嘅「維港投資」創辦人之一。兩個識咗廿幾年,關係密切,莫講話陪買,周凱旋幫佢擔埋遮,又點話!

同張培薇相識超過 20年,不論公私,都密不可分,行完 Dior,周凱旋提議上去睇埋 McQueen。

老友試衫,周凱旋無無聊聊望吓櫃入面啲 accessories,又趴住同店員傾偈, hea住等。

陪事頭婆「濕平」,鬼佬保鏢守喺外面站崗,見到鏡頭,非常 alert。

撰文:八珍


鍾意就快D Share啦!