掃呢頁CODE去手機

2016年8月25日 星期四

阿 Sa親自搵上門 余文樂講錢冇面俾 [壹週刊 - 1381] __,阿 Sa,余文樂,蔡卓妍,M1,

想在電影做出好成績,阿Sa氹掂英皇泵水開戲,自己更首度參與幕後工作。娛樂偵訊阿Sa親自搵上門 余文樂講錢冇面俾去年憑《雛妓》提名金像獎「最佳女主角」的蔡卓妍,一直想在電影事業做出成績,為求發揮,親自開口求公司投資開拍李敏的愛情小說《原諒他77次》,甚至做埋統籌。據知阿Sa本屬意雙方識於微時的余文樂,但有指樂仔方面認為阿Sa公司未必俾得起錢,劇本都未望過,便一口拒絕。你做初一我做十五,阿Sa把心一橫 ...


想在電影做出好成績,阿 Sa氹掂英皇泵水開戲,自己更首度參與幕後工作。

娛樂偵訊

阿 Sa親自搵上門 余文樂講錢冇面俾

去年憑《雛妓》提名金像獎「最佳女主角」的蔡卓妍,一直想在電影事業做出成績,為求發揮,親自開口求公司投資開拍李敏的愛情小說《原諒他 77次》,甚至做埋統籌。據知阿 Sa本屬意雙方識於微時的余文樂,但有指樂仔方面認為阿 Sa公司未必俾得起錢,劇本都未望過,便一口拒絕。

你做初一我做十五,阿 Sa把心一橫,搵余文樂死敵,周柏豪頂上。

角色度身訂造

同陳偉霆分手後,蔡卓妍收拾心情,將悲憤化為力量,專注在電影方面闖出成績;去年憑《雛妓》獲提名金像獎女主角後,她的目標更加明確,雖然一直有劇本送上門,但好想攞獎的阿 Sa卻嫌角色冇發揮。

直至睇到合作過《雛妓》、負責編劇的李敏一本愛情小說《原諒他 77次》,阿 Sa認為書中的女主角就好似為自己度身訂造,於是膽粗粗向英皇提出,投資拍成電影,還攬上身做埋統籌搵演員。

「喺公司咁多年,又咁聽話,老闆(楊受成)都好睇阿 Sa台戲,加上見套戲 budget唔太高,公司好就快應承佢開呢個 project!」一名英皇電影員工透露。

余文樂在國內賺人仔賺到笑,即使同阿 Sa相識一場,講到錢,少個都唔得。

同阿 Sa首次合作仲未熟絡的周柏豪,一係睇 playback,一係坐在帳篷內篤手機等埋位。

阿 Sa開戲預埋阿嬌,等埋位期間,二人不時自拍。

新片《原諒他 77次》原著李敏,導演邱禮濤,阿 Sa做女主角,是《雛妓》原班人馬。

睇錢大過天

公司肯開水喉,阿 Sa立即開 turbo,出盡人情牌搵好友幫拖。阿嬌、 Yumiko榜上有名,要不是容祖兒檔期排滿,都一定走唔甩。男主角方面,阿 Sa認為余文樂是最適合人員,為表誠意,她更親自聯絡,點知對方連劇本都未睇,已經被噴到一面灰。

「阿 Sa私下好 casual咁同余文樂傾嘅,話自己有個新 project,想搵佢做男主角;不過阿樂就話大家識咗咁多年,都懶得轉彎抹角,話佢而家收緊嘅片酬,英皇未必肯俾,叫阿 Sa死心。講到咁都冇彎轉,阿 Sa唔嬲就假,親自搵你梗係想你幫幫手,但阿樂連劇本都未睇,就 say no,使唔使睇錢睇到咁大呀!」知情者說。

圈中可以同阿 Sa拍檔愛情片,啱心水的根本不多,有人提議她搵余文樂的死敵又抵用得多的周柏豪合作。上週五深夜,電影在觀塘拍夜班外景,阿 Sa全晚黐住阿嬌,至於首次合作的周柏豪,不用埋位時就坐定定在電視機前睇 playback,落足心機。

阿 Sa同余文樂差不多時期出道,對方更曾經同阿嬌拍過拖。

阿 Sa在《雛妓》大膽演出,去年獲提名金像獎最佳女主角。

去年同陳偉霆分手後,阿 Sa一直未有着落。

撰文、攝影、攝錄:娛樂組


鍾意就快D Share啦!