掃呢頁CODE去手機

2016年8月12日 星期五

17歲芷欣甩拖葉玉卿傷心過囡囡晚晚喊 __,葉玉卿,

Victoria治療情傷,全靠媽咪卿卿及爸爸陪伴。
17歲芷欣甩拖葉玉卿傷心過囡囡晚晚喊性感女星葉玉卿婚後移居美國專心相夫教子,子女日漸成長需要處理他們的感情事。現年17歲的大女胡芷欣(Victoria),兩年多前與日韓混血同學Chris初嘗戀愛,惜近日分手收場,卿卿除要處理Victoria的情緒外,更直言自己亦受打擊,比女兒雙倍傷心,晚晚垂淚,皆因Chris學業人品皆好,一早當他是半邊仔。Victoria治療情傷,全靠媽咪卿卿及爸爸陪伴。一代性感 ...


17歲芷欣甩拖葉玉卿傷心過囡囡晚晚喊

性感女星葉玉卿婚後移居美國專心相夫教子,子女日漸成長需要處理他們的感情事。現年17歲的大女胡芷欣(Victoria),兩年多前與日韓混血同學Chris初嘗戀愛,惜近日分手收場,卿卿除要處理Victoria的情緒外,更直言自己亦受打擊,比女兒雙倍傷心,晚晚垂淚,皆因Chris學業人品皆好,一早當他是半邊仔。

一代性感女星葉玉卿自1996年下嫁美籍商人胡兆明後,退居幕後到美國生活,並為胡家開枝散葉,先後誕下大女胡芷欣(Victoria)、次子胡可聰及細仔胡以聰,一家感情融洽。移居後的卿卿除協助丈夫打理生意外,亦將全副精神放在子女身上。

想不到卿卿第一個「任務」,就是要面對今年17歲的Victoria感情問題。兩年多前Victoria與日韓混血同學Chris發展甜蜜初戀,當時卿卿雖大為緊張,但仍開綠燈學會接受,更對Chris讚不絕口,惟老公則「呷醋外父」上身,坦言不希望女兒那麼年輕拍拖。怎料近日Victoria向卿卿透露與Chris分手,令卿卿更為緊張和擔心,她越洋接受訪問時說:「因為女兒要專心學業,要入大學所以難免令感情方面淡咗,個女係覺得唔想再有男朋友住,佢覺得遲早都唔一齊o架啦,因為佢哋跟住都讀大學,見面都會少咗。」卿卿指女兒與Chris雖沒有男女朋友的感覺,但大家仍是朋友,並大讚女兒冷靜和成熟:「起碼好過我!」

Victoria與Chris的初戀維持兩年多告終!
  • Victoria與Chris的初戀維持兩年多告終!
Victoria暫無心戀愛,專注完成大學。
  • Victoria暫無心戀愛,專注完成大學。
卿卿早已視Chris為半邊仔,常結伴出遊。
  • 卿卿早已視Chris為半邊仔,常結伴出遊。
17歲的Victoria遺傳卿卿的美人胚子及身材。
  • 17歲的Victoria遺傳卿卿的美人胚子及身材。

視如家人讚君子

原來卿卿為Victoria分手一事加倍傷心,皆因Chris學業成績良好,已視對方為半邊仔,故難以接受二人「分訊」,令她晚晚垂淚,卿卿無奈地說:「我仲傷心過佢,我真係Double Heart Break,晚晚喊呀!因為Chris好似係半邊仔咁,所以我好為佢傷心,但感覺冇咗就冇咗。」

卿卿亦有留意和關心Chris的心情,她說:「佢哋一齊超過兩年,Chris成日嚟我屋企同旅遊,建立咗感情,好似一家人咁,再加上我哋有規矩,佢哋都有守到,所以我對呢個男仔好有好感,係君子,唔係壞男仔。Chris都好慘,好難接受,我個女日日都有text(訊息)佢。我知Chris父母帶佢去見心理顧問,協助佢過渡,佢學業成績好好,我唔想影響到佢。」

老公唔贊成拍拖

Victoria經歷了「初戀失戀」一課,卿卿表現緊張和擔心,相反老公胡兆明則表現較淡然,卿卿說:「我老公就梗係冇乜嘢,佢本來都唔贊成個女拍拖。」卿卿現支持和尊重Victoria分手的決定,她說:「當年我讀完女校出嚟,到十八歲先初戀。當時我媽媽反對,但我都冇聽從,仲撲去個男仔度,當年都激親媽媽。最終我哋一年後都係分手收場,然後先知媽媽嘅說話係啱。」現在,卿卿提議完成大學課程才再次投入戀愛:「我就同佢講,唔想佢再談戀愛,自己又hurt,又hurt到人,起碼要完成咗大學先可以認真去戀愛。加上佢錯過咗幾年同朋友嘅時間,全部時間都畀晒Chris,Chris又畀晒啲時間佢,我覺得佢完全係做得啱,不過傷心係難免囉。」

文:專案組


鍾意就快D Share啦!