今次真係恭喜晒，要好好照顧老婆大人同賺錢喇唯唯！
藝員梁烈唯早前現身李丞責B女百日宴，已經默認老婆Tina有喜，唔知係咪怕BB小器，都係暗示吓就算，不過今日，唯唯終於同大家公布喜訊！佢一大早就喺社交網宣布自己要做老竇，仲話係守咗一段時間嘅「公開秘密」㖭，佢仲透露老婆佗住B女：「跟大家分享一下我的開心事，一個守了一段時間的公開秘密！就是我快要當爸爸了！我們一家上下都非常感恩，上天賜與我們這個很寶貴的禮物，我們家𥚃（裏）要加入一位小女孩了！爺爺嫲嫲都話要把她寵壞呢，我們希望她可以健康快樂成長，這樣就很幸福了！亦希望大家都能寵她愛護她啊！感恩！」
唯唯認想要仔：女就要富養
唯唯剛剛亦即接受《東網》獨家訪問，他謂：「張超聲波相係之前影的，嚟緊產檢同唔到老婆去，因為我要去北京做嘢。（自己鍾意仔定女？）其實內心係鍾意仔的，不過仔女都開心，希望佢健康、快樂成長。之前抱朋友啲女，已冧到融化咗，不過諗吓第日可以同個仔去跟波都係幾開心、幸福嘅一件事，啲人成日話仔要窮養，女就要富養，咁即係要加倍努力工作搵錢。」
來源 source: http://hk.on.cc
|
鍾意就快D Share啦！
|
|
|