今屆香港先生候選人之一嘅胡㻗，除咗有個同母異父嘅藝人哥哥羅天宇之外，原來佢嘅爸爸仲係當年大台曾力捧嘅「銀河十星」之一嘅胡越山。講到「銀河十星」，原來舞台王者郭富城都係其中一粒星。由舞蹈藝員做到舞台王者、影帝，o依家仲喺紅館舉行緊演唱會，佢嘅動向就係人都知咁其他「銀河十星」你又數到幾多個呢？邵仲衡
參加87年無綫舉辦的《銀河十星接力賽》奪得冠軍而入行，去年大台重播《大時代》，令飾演大佬孝丁孝蟹嘅邵仲衡人氣反彈，之後再加盟ViuTV，做咗ViuTV一哥。李中寧
佢係葉童嘅同父異母阿哥，拍過幾部三級電影，其中佢參演何藩嘅《三度誘惑》扮超人而被封為「三級man」。之後佢就息咗影，有指佢返咗英國發展事業。李耀敬
81年入讀邵氏第9期南國演員訓練班，其後加盟大台，雖然係「銀河十星」之一，但就冇乜代表作，2000年曾過檔亞視，有指佢o依家喺大陸發展。李婉華
曾經同吳鎮宇同何家勁拍拖嘅李婉華，03年同圈外男友李守正結婚後，就移居加拿大，育有三子女，o依家除咗相夫教子之外，就係加拿大嘅中文電台主持節目。邱淑貞
87年參加香港小姐嘅邱淑貞，曾經係好多宅男心目中嘅「性感女神」，但係99年佢嫁咗俾時裝品牌IT嘅老闆沈嘉偉後，就淡出娛樂圈，仲幫沈嘉偉生咗三個囡囡。吳詠紅
87年加入大台，去年重播《大時代》，佢飾演嘅方芳，再度備受關注。原來佢同大台前藝人、亞洲電視先生出身嘅何英偉結婚後，就淡出幕前轉行做化妝師，近年更成為Fancl高級培訓主任，佢同何英偉因為性格不同離婚，二人育有一女。林穎嫺
87年香港小姐季軍林穎嫺（ Wing），當年事業如日方中嘅Wing，毅然放棄事業到美國讀書，最終選擇家庭退出娛樂圈，到美國發展事業，仲同Tom結婚，現育有一子兩女。近年仲出書，分享育兒心得。崔嘉寶
1986年參加香港小姐入行，佢仲係許志安嘅第一任女朋友，95年息影，嫁咗俾為晨曦足球隊班主周文曦。
|
鍾意就快D Share啦！
|
|
|
