2016年8月28日 星期日

胡定欣爆刁蘭唔會死:係Happy Ending __,定欣,刁蘭,胡定欣,

胡定欣用唇語講「我唔會死」!藝人胡定欣在尖沙咀與無綫劇集《城寨英雄》一班演員食結局飯。甫到場定欣便被記者追問最後結局,她即用唇語講出「我唔會死」四個字。而問到陳展鵬在劇中的生死,她即謂:「之前監製話呢套劇都死得太多人。(想做BBQ結局?)我哋私底下BBQ啦,總之呢套劇就HappyEnding嘅,我要講嘅都講咗。」劇集進入尾聲,問是否不捨得,定欣即謂:「真係好唔捨得,感覺好似上星期先第一次宣傳,四個 ...


胡定欣用唇語講「我唔會死」!

藝人胡定欣在尖沙咀與無綫劇集《城寨英雄》一班演員食結局飯。甫到場定欣便被記者追問最後結局,她即用唇語講出「我唔會死」四個字。而問到陳展鵬在劇中的生死,她即謂:「之前監製話呢套劇都死得太多人。(想做BBQ結局?)我哋私底下BBQ啦,總之呢套劇就Happy Ending嘅,我要講嘅都講咗。」

劇集進入尾聲,問是否不捨得,定欣即謂:「真係好唔捨得,感覺好似上星期先第一次宣傳,四個星期真係過得好快,今日就已經係結局,好唔捨得劇組同套劇,但點都要大結局嘅。」亦期望收視可以與之前一樣好。問到今晚邊個請食飯,她即謂:「好多人都話一齊夾,但係有人就認咗頭,嗰個就係伍允龍!但係我一定拆掂佢,唔會畀佢咁做。(預唔喺香港嘅展鵬一份?)之前佢都有請,上次打邊爐都係佢畀錢,等佢返嚟再食過。」

談到劇集開拍電影版,定欣就指仍然等消息:「因為之後都要同監製、展鵬開新劇,都要睇吓個可能性,研究緊呢件事。(係前傳?)都要重新嚟過,因為有啲角色已經死咗。」談到年尾視后爭奪戰,田蕊妮將憑《巨輪II》強勢回歸,問會否擔心視后無望,她即笑說:「咁佢都係視后級嘛!(你都係!)大家惺惺相惜,大家都好努力,其實每一次拍劇都唔係要諗攞獎,係諗做好個劇同角色,啲反應好,已經係肯定你嘅成績,獎係錦上添花啫。」更指最想《城》奪最佳劇集獎。


來源 source: http://hk.on.cc
鍾意就快D Share啦!
Related Posts Plugin for WordPress, Blogger...