【新增影片】
以多功能見稱日本品牌Bruno電熱鍋近年深受用家歡迎，銅鑼灣崇光百貨早上開售價值近千元、已絕版的粉紅電熱鍋，吸引一班「鍋迷」通宵輪候排籌，有人早在凌晨3點已到場等候。崇光原定8點半才開始派發120個籌，但所有籌號早在7點51分已派光。凌晨3點到場成功搶佔頭位的張小姐，取籌後第一句便說「好想即刻返屋企瞓覺」。喜歡粉紅色的她稱早前見到香港可以買到Bruno「煮食神器」，已下定決心非買不可，「我第一次買呢個牌子，我喺facebook見到，未有已經一直留意，嗰時訂唔到，所以要嚟排」，她坦言自己不用上班，比其他人易到場通宵排隊買心頭好。不少人亦特意告假前來排隊。另外，周四起銅鑼灣及沙田city'super都有130個購買名額，iSquare、銅鑼灣及中環Francfranc都各有12個名額，9月14日至27日，一田百貨沙田分店亦有過百個名額。到11月尾將會有現貨發售的紅色及白色版電熱鍋。今次出售的首批別注版粉紅鍋每個售價998元，鍋底面積如A4紙大小，跟機有平板烤盤及章魚燒板，亦可按需要另購坑紋烤盤($198)、多用途烤盤($258)、陶瓷深鍋($298)和矽膠造型模具($128)，又可以用作火鍋、焗麵包、烤羊架等其他用途，故被喻為「煮食神器」。此鍋機身小及輕巧，大約如A4紙般，有多款溫度選擇，包括保溫功能(65–80度)、小火(100-130度) 、中火(160–200度)及大火(190–250度)。另有額外加錢買的多用途烤盤，內有六個直徑接近4吋的圓形烤模，日本人愛用它來做米漢堡，亦可用來煮早餐、煎肉餅，更可製作Pancake、芝士肉醬烤蘑菇，煙肉流心蛋杯等。如配以陶瓷深鍋，因傳熱功能同樣良好，可以煮西班牙海鮮飯；而深度接近三吋，可以用來自家打邊爐，日本人會用來做關東煮、壽喜燒，可以盛載湯汁，更可以隔水做茶碗蒸、燉蛋等。
| （何頴賢攝） | | |
| | | |
| | |
|
鍾意就快D Share啦！
|
|
|
