今日凌晨大陸演員王寶強發聲明，話自己同老婆馬蓉離婚，而原因係馬蓉同王寶強嘅經理人宋喆搭上，但係王寶強老婆馬蓉大家可能唔係太熟識，其實馬蓉來頭都唔簡單。馬蓉1986年8月8號喺陝西出世，係西北大學傳播學院嘅校花，好多當時嘅學生對佢嘅美貌都留下深刻印象。喺07年一個活動入面，王寶強遇上馬蓉，仲一見鍾情，但係當時王寶強因為自卑，所以冇表白，係之後佢哋多次喺活動相遇，先走埋一齊。喺08年王寶強承認自己有固定女友，不過當時就冇話係馬蓉，係到咗09年先被發現。而喺2013年，王寶強第一次帶埋老婆出席《天注定》嘅首映，當時就係佢哋第一次正式登場。一直以嚟馬蓉都係王寶強背後嘅女人，照顧兩個小朋友，但小朋友慢慢大個，佢都開始有自己嘅事業，同王寶強創辦了北京寶億嶸影視傳媒有限公司，並且擔任總裁。有唔少網民形容馬蓉經歷過嘅事：「名校畢業，卻中了“醜男”愛情的毒，21歲與王寶強相戀，25歲生下一女一子湊足“好”字，如今夫唱婦隨，做著自己喜歡做的事……」大讚佢係一生贏家，可惜現在同王寶強離婚，仲被爆戀上王寶強經理人，網民應該都唔會再用一生贏家形容佢喇。
來源 source: http://hk.apple.nextmedia.com
|
鍾意就快D Share啦！
|
|
|