掃呢頁CODE去手機

2016年8月19日 星期五

【星夢韋小寶】暗媾苗僑偉寶貝女玩出火?鄭俊弘:遲啲先再算 __,鄭俊弘,陳嘉佳,小寶,苗僑偉,

憑大台歌唱比賽《星夢傳奇》彈出嘅鄭俊弘,知名度提高後,身邊女伴傳不停,有姜麗文,也有蔡思貝、吳若希、岑日珈同王君馨,媾女圍好廣,有周刊仲影到鄭俊弘暗交至索星二代、苗僑偉(三哥)同戚美珍嘅25歲寶貝索女苗彤,報道話佢哋約埋喺蘇豪夜蒲,苗彤接電話後早走,更顯得依依不捨。報道指三哥獲悉鄭俊弘追佢個女、又收到風指鄭俊弘緋聞不絕,被封「星夢韋小寶」,怒不可遏,當然要棒打鴛鴦。周刊記者問到三哥識唔識鄭俊弘,三 ...




其他影片:>>






憑大台歌唱比賽《星夢傳奇》彈出嘅鄭俊弘,知名度提高後,身邊女伴傳不停,有姜麗文,也有蔡思貝、吳若希、岑日珈同王君馨,媾女圍好廣,有周刊仲影到鄭俊弘暗交至索星二代、苗僑偉(三哥)同戚美珍嘅25歲寶貝索女苗彤,報道話佢哋約埋喺蘇豪夜蒲,苗彤接電話後早走,更顯得依依不捨。報道指三哥獲悉鄭俊弘追佢個女、又收到風指鄭俊弘緋聞不絕,被封「星夢韋小寶」,怒不可遏,當然要棒打鴛鴦。周刊記者問到三哥識唔識鄭俊弘,三哥即回一句:「我唔識佢!」出真火喎!鄭俊弘、連詩雅、莊思敏、陳柏宇、何雁詩,同14歲韓國小天王Punch等,噚晚(18號)喺銅鑼灣出席活動。Punch全場最受歡迎,數十名粉絲到場支持,見到佢即爭相歡呼,鄭俊弘也有歌迷撐場。問鄭俊弘係咪暗撻三哥愛女苗彤?佢話:「唔係,冇咁嘅事,嗰晚係何雁詩朋友餐廳開張,咁啱我喺度。」身邊何雁詩幫口解圍:「我都喺相中,不過冇寫我,苗彤係我中學同學,大我一年。」鄭俊弘強調事前唔識苗彤,只係當日先識,咁對苗彤有興趣嗎?鄭俊弘話:「我冇諗喎。」佢否認撐枱腳,佢話:「嗰度好多人,好多對腳喺度,o依家專注事業先,遲啲先再算再諗。」三哥似唔多高興鄭俊弘追佢個女,仲彈出一句話唔識鄭俊弘,擺明有骨落地,鄭俊弘話:「我冇同三哥合作過,佢咁講,我唔會唔開心。」

 

鄭俊弘被爆情史多,食女無數,佢即話:「報道係假,炒作新聞,我唔會理,佢哋想點寫就寫啦,唔會影響到我。遲啲我都好忙,會去加拿大做騷。」咁老老實實,就算係,都唔會有人認0架啦啦啦啦啦……

攝影:陳順禎 「星夢韋小寶」是夜好內儉
老闆何哲圖 苗彤
Punch全場最受歡迎,幾令仔喎!

鍾意就快D Share啦!