噚日《蘋果》獨家影到已同大劉劉鑾雄分手嘅呂麗君突然帶囝囝劉子鋒，到達金鐘美國萬通大廈華人置業集團總部，逗留近兩小時離開，當時保鑣用遮陣保護呂麗君母子。呂麗君今日回應傳媒話自己並未有同大劉分手，而大劉今日同甘比就去咗中環置地文華酒店食晏，1點50分大劉坐住輪椅離開，同行除咗甘比仲有一名女性友人，之後佢哋返咗華人置業集團總部。記者到場時，已見呂麗君嘅座駕泊咗喺公司停車場，據知今日下午2點幾，呂麗君再次攜子鋒到公司，未知同大劉有冇見面，之但係約下午4時，大劉同甘比喺公司側門出嚟，甘比行先兩步，大劉坐輪椅出來，由於上車位置在馬路邊有幾步路，大劉行上車，記者問佢係唔係同呂麗君分咗手，大劉一概冇回應，甘比先上車坐好後，再扶大劉，即開車走人。據知大劉年幾前已搬離白建時道嘅大宅，留咗畀呂麗君住，而佢就搬咗去同甘比一齊住，近年呂麗君亦冇同大劉出席公開場合及食晏。
來源 source: http://hk.apple.nextmedia.com
|
鍾意就快D Share啦！
|
|
|
