套劇到底有幾激，搞到當初要雪藏呢？
視帝黎耀祥（祥仔）在將軍澳出席myTV SUPER《巾幗梟雄之諜血長天》「解禁響天下」記者會，劇集拍攝三年後終於解禁出街，當時盛傳因黎耀祥的一場被雞姦戲，加上劇集有不少強姦、色情場面，而令劇集慘入雪櫃。
現在劇集重出生天，宣傳亦強調「一刀不剪」，黎耀祥對此受訪時表示：「唔知呀，但係公司有咁嘅講法，相信應該剪得好少。（有冇雞姦戲？）都係用意識、劇情同背景交代。強姦戲都係嘻嘻嘻，就已經Cut機，咁耐經驗，點會拍啲出唔到街嘅戲，你估拍嚟自己睇咩？（點解依家解禁？）我同添哥（李添勝）傾過偈，可能題材牽涉到中日戰爭、政治，公司有好多考慮地方，可能當時中日關係、社會氣氛、時勢，唔會純粹因為尺度問題，之前傳得仲誇張啦，話cut咗15集。」
黎耀祥咀杏兒
黎耀祥又透露劇中有不少激情戲，他笑說：「同杏兒（胡杏兒）有床戲，但係我一錫佢，佢已經走咗，呢啲就係電視尺度。咀戲都好激，咀到我鬚都甩埋。」
來源 source: http://hk.on.cc
|
鍾意就快D Share啦！
|
|
|