曾被封「港姐殺手」嘅Philip Lee（李承德），曾與李施嬅、張曦雯等拍拖，最終情歸胡杏兒。兩人婚後度了一個悠長蜜月期，不時於網上晒幸福，更有傳當時胡定欣帶埋男友陳明道（Terry）出席「胡說八道」嘅gathering，希望俾Terry見到杏兒兩公婆同豹哥豹嫂夫妻恩愛，從而萌生成家立室之意，可惜到最後定欣都係分手。專心造人嘅胡杏兒，寧願減產都要爭取時間陪老公，兩人日前仲拍拖拖去奧海城睇《屍殺列車》，點知幾乎搞到互相廝殺……誇張咗，其實係夫妻間嘈兩句，冷戰下，耍下花槍之嘛……日前下晝5點15分左右啦，唔使開工嘅胡杏兒，坐七人車到中環安蘭街接老公Phil放工。等咗十分鐘左右，Phil就上車，一直去到奧海城睇戲。戴住帽同口罩嘅胡杏兒由落車到行去戲院嗰段路，一直黑口黑面，嗰度氣場，真係隔住個mask都feel到。與胡杏兒同行嘅Phil，面色都係咁難睇。如無意外，兩個頭先應該喺車上嘈過嚟……由於大庭廣眾，兩公婆唔方便當街嗌交。兩人並肩而行冇出聲，木口木面。只見Phil斜睥咗老婆一眼，然後一臉不悅咁，伸手拖住老婆。睇番Phil當時嘅表情，應該係有聲嘅……對白自己諗喇。胡杏兒呢，硬淨如故，即使老公做主動拖住，依然不為所動，繼續黑面。而就喺呢個moment，冇晒心機嘅Phil「立」到路邊有位長髮女子，即刻偷偷瞄咗一下……跟住，兩人喺戲院上演一場大龍鳳……詳情請看另文。
| （攝影：畢紹基、吳耀輝） | | |
| | | |
| | | |
|
鍾意就快D Share啦！
|
|
|