朱玲玲話孫仔霍中曦因為接受太多唔同Style嘅教學，所以連叫聲嬤嬤都好混亂。
「最美麗港姐」朱玲玲擔任攝影比賽評判。問現在可有攝影？她說：「比起早幾年冇咁多，依家仲執緊早幾年嘅相。（執咁耐？）執相仲耐過影，如果一個trip可以執到十幾二十張已經係好成功。（有冇幫孫仔霍中曦影相？）唔多，佢依家返全日學，唔係成日見到，不過影Video多，因為佢依家學緊講嘢得意啲。（學識叫嫲嫲未？）因為佢婆婆講普通話就教佢叫我做奶奶，英文就叫grandma，學校就教佢叫祖母，所以佢都要諗吓。」
肩膊受傷暫停打羽毛球
問可會叫兒子霍啟剛與新抱郭晶晶再生？她說：「佢哋都忙，呢啲嘢唔使有壓力。（佢哋拍真人騷贏咗）我都係啱啱先知。（啟剛拍完節目都瘦咗？）佢結婚嗰陣又瘦，依家又瘦，唔知可唔可以保持到。」談到早前被拍到去看中醫，朱玲玲解釋是因為拿重物傷了肩膊，故要看中醫拔罐，並謂現在連最愛的羽毛球運動也要暫時停止：「要休息。」
「冇鬆踭呢啲咁刺激」
對於近日有前港姐爆港姐有黑幕，問她參選當年可有黑幕，朱玲玲笑說：「完全冇㗎，我諗係啲人speculate（推測）然後攞出嚟做娛樂新聞，冇鬆踭呢啲咁刺激，我哋好乖嘅。（因為你大比數拋離對手？）都過咗咁耐啦，仲講，其實我嗰屆有幾個都幾靚，嗰陣我中文更差，（皮膚）又比依家黑，大家唔會估我㗎！」
鼓勵馮盈盈向前望
再問到應屆港姐冠軍馮盈盈被揭參選前在fb爆粗，因而被封「爆粗港姐」，對此朱玲玲說：「傳媒好鍾意畀名我哋，你哋都叫我（最美麗）嬤嬤咁些少都會有啲影響（指馮盈盈嘅形象），但都要向前望，自己要繼續自己生活，人哋講就人哋嘅事！」
來源 source: http://hk.on.cc
|
鍾意就快D Share啦！
|
|
|
