掃呢頁CODE去手機

2016年9月9日 星期五

【麥明詩灑淚執包袱】林作劃清界線:我從來冇公開話我哋係男女朋友 __,麥明詩,林作,

「十優港姐」麥明詩(Louisa)同大律師林作拍拖三年,近日佢哋又情海翻波,有傳就話Louisa難忍男友花心,屢次媾女撩女斷正,加上林作又有啲少爺仔脾氣,搞到Louisa就狠下心腸,為呢段三年情劃上句號。之但係女方就話要分手,說時更眼濕濕,但男方就話冇喎,呢單分手羅生門事件,沒完沒了之餘,就連表明對林作冇期望嘅麥媽媽麥何小娟都要出口,默認女兒已分手。(新聞連結:http://bit.ly/2cbG ...




其他影片:>>






「十優港姐」麥明詩(Louisa)同大律師林作拍拖三年,近日佢哋又情海翻波,有傳就話Louisa難忍男友花心,屢次媾女撩女斷正,加上林作又有啲少爺仔脾氣,搞到Louisa就狠下心腸,為呢段三年情劃上句號。之但係女方就話要分手,說時更眼濕濕,但男方就話冇喎,呢單分手羅生門事件,沒完沒了之餘,就連表明對林作冇期望嘅麥媽媽麥何小娟都要出口,默認女兒已分手。(新聞連結: http://bit.ly/2cbGnSz )噚日備受情困嘅Louisa就繼續開工拍戲,現身時強顏歡笑,雙手合十稱:「唔好意思,唔方便做訪問。」一雙黑眼圈掩蓋不住。(新聞連結:http://bit.ly/2cjiV8n )今日有周刊拍得麥明詩日前(即本月6日)喺電視城講電話講到喊,更夜麻麻去林作屋企執嘢走。至今午終於到男主角林作現身,於金鐘太古廣場出席一間咖啡店嘅開幕儀式。西裝骨骨咁到場,被問到同麥明詩分手一事,林作就有問必答,但唔知係天氣熱定係有其他原因,佢答嘅時候就滿頭大汗,顯得有啲緊張。記:問到係咪同Louisa分手?

林:呢方面我冇回應,由佢答,佢(Louisa)講嘅嘢,我哋都會保持一致嘅!記:Louisa話同你嘅關係只屬朋友喎?

林:我會採納。記:接受做朋友?

林:我哋一直都係朋友,坦白講,我從來冇喺公開場合講過我哋係男女朋友關係,亦都冇講過係!記:咁你當時唔否認,咁就即係默認啦

林:其實我同佢都有否認過,不過主流傳媒最後都係扣帽子落嚟,呢啲嘢我都明白,娛樂新聞我哋係畀人娛樂,我都覺得解釋唔清。記:林媽媽話想認麥明詩做新抱喎

林:我媽咪出名就亂up,信佢一成都好。記:咁你哋係咪從來都冇拍過拖?

林:我哋一直都係朋友,我哋嘅講法就係「一直都係朋友」。呢一方面我完全同意嘅,係你哋成日喺度問,你哋唔煩我都覺得煩。記:麥明詩日前接受傳媒訪問,問到你哋關係時講到喊喎

林:冇睇,所以唔評論。唔想你答一我答一句,總之所有嘢由佢答。佢答嘅嘢我都會採納。」記:係咪因為之前你成日自己講嘢,令大家答法有出入先至搞到咁?

林:總之佢答嘅嘢我都會採納。」記:依家係咪單身?

林:呢一個只係將條問題包裝過再問,我冇回應。」記:咁依家係咪可以隨時落老蘭玩喇?

林:我有自己嘅生活方式,從來都冇改變。人生自由係好重要。」記:咁依家係咪好自由?

林:我從來都好自由嘅。」記:同麥明詩有冇聯絡?今日出活動前有冇通知對方?

林:有聯絡。我諗有人會同佢講。」記:係咪昇華番做朋友關係?

林:都係嗰句啦,等佢答。」記:係咪劃清界線?

林:我哋都係朋友。總之所有嘢留番佢答啦,呢個問題我答唔到喇,唔該。

攝影:陳順禎 林作做訪問時,不停抹汗。 仲講到從來冇公開認過佢同麥明詩係男女朋友關係。
林作話佢冇回應,仲話佢同Louisa會保持一致。 麥明詩噚晚見記者時只合十,冇對分手事作出回應。 麥明詩正趕拍葉念琛嘅新片《失戀日》
麥明詩 麥明詩同媽媽感情一向要好。 林作同媽媽

鍾意就快D Share啦!