阿徐對於自己嘅社交網站戶口流出陳子聰照片感到歉意。
潮人徐濠縈出席時裝活動，對於近日在其個人社交網站流出傳患肝病的陳子聰暴瘦照，她表現無奈：「嗰個係我私人戶口，玩咗好多年，儲咗好多私人相，有我個女由細到大嘅相，冇試過畀人cap相，好明顯有人出賣我，我個名單有三分一係外國人，我依家冷靜落嚟剷走晒所有朋友，唔覺意連老公（陳奕迅）都剷走埋，淨係得番個女同細佬，後尾先加番老公，因為我驚嗰個人可能會再出賣我，擔心影響個女私隱，依家戶口得幾個人。」
她指事後有向好友何超儀道歉，幸獲對方體諒，她續說：「佢反過嚟安慰我，（咁子聰而家情況點？）好好，好精神，有傾有講，所以先一齊食飯。（你post佢張相想同朋友報個平安？）冇諗，我好隨意，鍾意post就post。」阿徐又謂要將戶口大清洗，笑指丈夫陳奕迅安慰她說網上世界是沒有秘密的。問她會否減少玩？她續說：「都驚咗，所以要剷走晒啲人，我覺得自己同屋企人都ok，如果連累到朋友就唔好，朋友都驚呀！」問到中秋可會再相約子聰聚會？她謂視乎對方心情，也許他要陪家人呢！
來源 source: http://hk.on.cc
|
鍾意就快D Share啦！
|
|
|
