組合農夫成員陸永同C君早前去咗英國為無綫拍攝節目《嘩鬼上學去之農夫篇》，終於都播咗啦，要兩位成年人回到過去做中學生，入讀英國一間寄宿學校，雖然佢兩個之前話自己英文差，不過最終都無風無浪咁度過呢十日，成功畢業！
鄭裕玲笑農夫畫畫肉酸
畢業咁大件事，梗係要慶祝一吓喇！雖然佢兩個嘅屋企人冇飛過去見證呢個重要時刻，但同佢哋合作無間嘅鄭裕玲就靜靜雞咁飛咗過去，唔係想畀驚喜佢哋，係想畀驚嚇呢兩個人！事前完全唔知鄭裕玲飛過去嘅二人，仲享受緊校園生活，而到達學校嘅鄭裕玲，即刻扮演咗媽媽嘅角色，一嚟就搵副校長問佢哋讀書讀成點，聽到副校長話農夫呢兩隻嘢唔錯嘅鄭裕玲，似乎都幾滿意！之但係去到美術室，鄭裕玲見到啲靚畫就話：「呢啲咁靚嘅嘢就梗係唔係佢哋畫」行過少少，見到兩幅抽象到不得了，仲要寫埋中文字嘅畫，好醒嘅鄭裕玲就即刻話：「梵高？畢加索？仲唔係你兩隻嘢，畫乜嘢呀咁肉酸？咁都可以貼堂？」真係對住佢兩個幾時都係咁不留情面㗎！
保持驚喜 拒絕同粉絲合照
終於到咗畢業嗰刻，辛苦咗十日農夫終於都有成績喇！副校長為咗鼓勵佢兩個，首先頒咗個「最佳泳手獎」畀好怕水嘅C君，至於陸永喺求生課程裏面煮兔仔表現出色，所以就頒咗個「全年最佳剝兔皮獎」畀佢，似乎佢哋真係讀得幾好，學到唔少嘢啵！頒完獎之後副校長宣布仲有禮物送畀佢兩個，呢個時候等咗好耐嘅鄭裕玲終於出場，農夫見到真係開心到「講不出聲」，只係識得傻笑畀唔到反應！而今次鄭裕玲為咗呢次驚喜，真係犧牲唔少，佢話：「好似做間諜咁，好驚呀，喺香港上飛機，平時有啲粉絲同我影相，我通常都冇乜所謂。今次又帶晒帽，你知喇，畀人影咗放上社交平台就冇秘密㗎啦。嚟到（英國）又係，又驚畀人認到，見到佢哋終於都安樂晒！」真係睇到呢到，唔少網友都話佢哋真係好好朋友，真係冇咩人肯飛十幾個鐘只係參加個畢業禮！
鄭裕玲又Shopping
溫馨時刻過完之後，無綫亦都係Facebook整咗個《嘩鬼上學去之農夫篇》番外篇之「Do姐又去Shopping」，話說一落機就做中學生嘅農夫，呢十日連倫敦都未去過，呢個時候鄭裕玲話：「你哋咁鍾意倫敦，如果依家Skip咗唔去倫敦，返番香港你O唔ok先？」喺呢個時候農夫話：「我要拍嘢呀，去倫敦……但係英磅跌……我希望買啲英磅。」而鄭裕玲就喺呢個Moment爆佢爆佢自己己經喺倫敦……買咗嘢，仲要係買咗個香港冇嘅榨汁機，仲乘機再寸佢哋：「榨汁係為咗飲健康嘅嘢，你唔會榨啲垃圾嚟飲㗎嘛！」再度話佢兩個去垃圾！
網友有話兒：
xx小小：哎吔！真係有Do姐呀！
Joxn xxan：Do姐出現個下，就即想佢地三人合體再shopping
Axxe xxma：Do姐好錫果兩隻野，又抱又錫
Alixx Lexxx：佢哋真係好好朋友。
|
鍾意就快D Share啦！
|
|
|
