掃呢頁CODE去手機

2016年9月26日 星期一

【有片】食人魚入侵英球壇 教練慘被生吞! __,

直擊爆笑食人事件!http://bit.ly/2d9Y9Wn 周六舉行嘅英冠賽事打比郡主場對布力般流浪,主隊頹勢持續以1比2輸波,繼續排喺聯賽榜尾3位置,一班球迷睇波就一定睇到冇晒癮,不過今仗比賽半場期間,就有一幕娛樂性爆燈嘅食人Show上演,成為球壇熱話。比賽半場休息期間,一隻食人魚造型嘅吉祥物突然走入場內,襲擊一位疑似打比郡龍門教練,遇襲嘅教練即時請條魚「食波餅」還擊,點知呢一腳就激發食人魚嘅 ...


直擊爆笑食人事件!http://bit.ly/2d9Y9Wn 

周六舉行嘅英冠賽事打比郡主場對布力般流浪,主隊頹勢持續以1比2輸波,繼續排喺聯賽榜尾3位置,一班球迷睇波就一定睇到冇晒癮,不過今仗比賽半場期間,就有一幕娛樂性爆燈嘅食人Show上演,成為球壇熱話。

比賽半場休息期間,一隻食人魚造型嘅吉祥物突然走入場內,襲擊一位疑似打比郡龍門教練,遇襲嘅教練即時請條魚「食波餅」還擊,點知呢一腳就激發食人魚嘅怒火,呢隻騎呢怪物立即衝上前將個教練「生吞」,之後一邊行一邊吐出教練嘅衣物,最終吐出只係得番條「孖煙囪」嘅教練,嚇到教練雞咁腳走人!

查實呢個Show係悉心安排,呢隻食人魚亦大有來頭,佢個名叫Mackerel Jordan,著住23號球衣,一睇就知係向「波神」米高佐敦致敬。Mackerel Jordan喺美國籃球同棒球界都非常出名,以往喺球場內「食」過唔少人,今次遠道前來英冠表演,總算令球迷大開眼戒!

SO東波同你追實體壇每個精彩時刻! 

http://on.fb.me/1PWMCFH 


來源 source: http://hk.on.cc
鍾意就快D Share啦!