藝人周家怡出名係好戲之人，早年喺無綫劇《火舞黃沙》憑兔唇女「茅小琴」一角嶄露頭角，之後喺劇集《花花世界花家姐》飾演智障人士嘅角色，表現亮眼而大受好評。不過，家怡唔單止同好戲掛勾，原來性感都係佢嘅代名詞。皆因佢最近接拍咗牙膏品牌廣告，片中雖然三點不露但就全裸上陣，簡直係佢從影生涯中最性感同最大膽嘅一次！
罕有性感玩全裸
向來打扮密實嘅家怡，今次罕有地性感示人，廣告中着上透視衫晒身材，之後仲對住鏡頭大膽剝衫，展現白滑玉背，又擺出唔少誘人甫士，相當養眼。家怡仲為藝術而獻出第一次，片尾竟然見到佢全裸上陣但三點不露，意識大膽！而網友們一面倒有讚無彈，除咗大讚家怡今次嘗試性感令人眼前一亮，仲話佢喺廣告中性感一脫感覺一啲都唔「Cheap」，仲留言話：「赤裸而健康。」有網友更指廣告拍得好有美感，亦將家怡骨子裡嘅性感都表露無遺，廣告深受歡迎，睇嚟家怡都算剝得有價值！
網友大讚永不言敗
另外，廣告中家怡提到自己入行多年，但一直發展平平，似乎多年嘅努力都白費晒，仲自嘲要改名做「輸家怡」，但佢自言輸得起，呢種永不言敗嘅態度，令唔少網友大為感動，話佢夠晒正能量。有網友仲留言鼓勵家怡：「天無絕人之路，只要有料、定有出頭天！我哋撐妳！」計小編話，今次廣告有咁大回響，周家怡應該要改名做「贏家怡」就真！
做足安全措施
而《東網》就聯絡上周家怡，佢就話：「個廣告構念我好喜歡，幕後工作人員全部都係專業班底。其實我一直都諗住襯後生留倩影，咁啱今次有廣告搵我所以決定接拍。」問佢有冇做足防走光措施，佢就表示：「拍攝前已經做足安全措施，重要部位貼滿膠紙防走光。」佢又話拍攝前幾個月已經開始健身同做瑜伽，希望以最佳狀態示人，佢話：「結果拍出來效果好好，好喜歡（酬勞加碼？）咁又無。其實拍攝當日係我生日（7月23日），呢次演出係我一份大禮物。」
網民有話兒：
XXXXIChan：正呀！廣告拍得好好，好型！
TerenXXXang：赤裸而健康，簡單和直接，笑容始終都係如一。
XXXVenus：雖然廣告家怡入面有剝衫，但拍出嚟效果好好，性感但唔廉價！
RaymoXXX：廣告拍得很美，將家怡骨子裡的性感都表現出來。
麥祖X：天無絕人之路，只要有料、定有出頭天！我哋撐妳！
|
鍾意就快D Share啦！
|
|
|
