死曱甴在櫃內，櫃門外則有一盒又一盒包裝好的燒味。(曹先生提供)
慎入！「小強」屍體遍布超市Taste燒味櫃！東網接獲淘大街坊曹先生投訴，指位於淘大商場、百佳超級市場轄下Taste的燒味櫃上周遍布死曱甴，令人反胃。由曹先生提供的照片所見，沾滿油漬的燒味櫃內豎起「鹽焗雞」、「豉油雞」、「燒鴨」、「燒腩仔」的牌下，有10多隻死曱甴，更惡心的是櫃門外正是待顧客購買的一盒又一盒燒味，曹斥超市罔顧顧客健康，「燒味唔係蔬菜，無得清洗，一買就食，如果食咗沾了曱甴細菌的燒味，唔排除身體有問題！」
曹先生表示兩周前經過燒味櫃，「我見到燒味幾靚走去望吓，點知見到有曱甴在櫃內行過」，他憂心有食客食過燒味後出現腸胃問題，於是向燒味部職員投訴有曱甴，豈料職員指「睇唔到喎！」，曹斥職員「好荒謬！」，至上周四晚8時許待燒味部職員收工後，再到燒味櫃查看，豈料情況更惡劣，他指目睹有「小強」行來行去，而櫃內更布滿屍體。
百佳超級市場公共關係部回應指，百佳十分關注事件，其品質監控部已立刻派員調查，額外清洗有關店舖的燒味櫃位，確保店舖清潔衞生，亦重新訓示有關燒味櫃位的承辦商，須嚴格遵守百佳熟食櫃位清潔衞生指引，並強調百佳一向有委託專業滅蟲公司恒常進行防治工作，以確保食物安全。
---------------------------------
※ 全新的《myVEGAS Lucky來了》手機遊戲，送你免費演唱會門票、澳門豪華住宿、中環高級食肆套餐！ 免費玩、豪華賞！http://playluc.ky/mvlloncc
來源 source: http://hk.on.cc
|
鍾意就快D Share啦！
|
|
|
