掃呢頁CODE去手機

2016年9月22日 星期四

【再出手救歌迷】保安阻攔fans險爆衝突 劉德華怒目衝前喝止 __,劉德華,

【再出手救歌迷】保安阻攔fans險爆衝突劉德華怒目衝前喝止2016-09-2212:55:00HKT眼見fans喺台下俾保安推撞,華仔即刻衝去台邊喝止!華仔個樣好嬲喎!黃曉明自稱係華迷。華仔一向當fans係家人,只要佢哋有嘢,華仔都會衝出嚟幫手。(「每日娛樂圈」微博圖片)一向當fans好似「家人」咁看待嘅劉德華,07年喺成都舉行巡迴尾場,有男歌迷突破警衞防線,衝咗去台邊同華仔握手兼送花,即刻俾10 ...


【再出手救歌迷】保安阻攔fans險爆衝突 劉德華怒目衝前喝止

2016-09-22 12:55:00 HKT



眼見fans喺台下俾保安推撞,華仔即刻衝去台邊喝止!





華仔個樣好嬲喎!





黃曉明自稱係華迷。







華仔一向當fans係家人,只要佢哋有嘢,華仔都會衝出嚟幫手。





(「每日娛樂圈」微博圖片)

一向當fans好似「家人」咁看待嘅劉德華,07年喺成都舉行巡迴尾場,有男歌迷突破警衞防線,衝咗去台邊同華仔握手兼送花,即刻俾10幾個保安粗暴阻攔毆打,結果華仔即刻暫停表演,先叫保安停手,跟住仲喺離地七呎高嘅台上跳落去,喝止保安,出手拯救受襲歌迷。

事隔咁多年,類似嘅事件又再次發生!事緣華仔噚晚同埋黃曉明喺北京出席電影《偷天特務》嘅首映,最初佢哋喺台上介紹自己嘅角色,黃曉明仲拎咗個寫住「華」字嘅燈箱上台,話自己係華仔嘅fans,之後佢哋兩個仲喺台上合唱,氣氛都仲好輕鬆。

但去到活動尾聲,有fans諗住走去台邊送花俾華仔,結果又俾保安阻攔,華仔目睹,即走到台邊,激動喝止,跟住黃曉明都有行過去了解,當時兩人神情緊張,好彩後總算冇發生唔愉快事件,聽講華仔做完儀式之後,走去慰問啲fans!

事件曝光之後,有唔少網民讚華仔真係好錫fans,但係亦有人覺得fans啲舉動亦要克制,保安都只係盡責啫!

重溫:劉德華成都演唱會勇救歌迷(可能是最清晰版)http://bit.ly/2d338bv


鍾意就快D Share啦!