同莫連奴私交甚篤嘅英國記者比士利，最近出書大爆「寸王」內幕，除咗揭露莫連奴勁憎雲格之外，仲道出莫連奴「睇女」嘅眼光！平時見到莫連奴「寸寸貢」口沒遮攔，但當佢遇上心目中嘅女神，竟然變成含羞答答小粉絲，邊個靚女咁犀利？咪就係美國靚女影星珍妮花安妮絲頓囉！
據比士利爆料，當年莫連奴帶車路士去美國踢熱身賽，喺洛杉磯酒店大堂入面等緊巴士，期間佢一直滔滔不絕咁講自己巴西度假嘅經歷，點知「寸王」講講下突然停低，牛咁眼兼O晒咀咁定格，原來珍妮花安妮絲頓入咗嚟，比士利形容莫連奴同車仔班球員「變晒喪屍」咁款。
當珍妮花安妮絲頓離開後，莫連奴即刻返回現實，隨即爆晒粗咁話：「冇X嘢呀話？畢彼特，好X浪費！」當時畢彼特同珍妮花安妮絲頓離婚冇耐，莫連奴梗係唔順氣，佢之後再補多句：「珍妮花安妮絲頓1比0贏安祖蓮娜祖莉！」
SO東波同你追實體壇每個精彩時刻！
http://on.fb.me/1PWMCFH
來源 source: http://hk.on.cc
|
鍾意就快D Share啦！
|
|
|
