掃呢頁CODE去手機

2016年10月6日 星期四

陳可辛啜啖氹女 [壹週刊 - 1387] __,陳可辛,M1,

搞咗廿分鐘都未得,陳可辛驚悶親寶貝女,又錫又氹。同你吟一吟陳可辛啜啖氹女據吳君如講,因為唔想著婚紗,唔想開party,亦早就過咗浪漫年齡,所以,拒絕陳可辛求婚。同居廿年,囡囡陳是知都10歲,一紙婚書的確不再重要。比較起君如,陳可辛離港做嘢密得多,只要有機會,一定落場湊女。呢一日,陳是知唔使返學,換走阿媽跟daddy出街,兩父女加埋外傭姐姐,喺金鐘太古廣場LaneCrawford睇傢俬,睇睇吓,成日 ...


搞咗廿分鐘都未得,陳可辛驚悶親寶貝女,又錫又氹。

同你吟一吟

陳可辛啜啖氹女

據吳君如講,因為唔想著婚紗,唔想開 party,亦早就過咗浪漫年齡,所以,拒絕陳可辛求婚。同居廿年,囡囡陳是知都 10歲,一紙婚書的確不再重要。

比較起君如,陳可辛離港做嘢密得多,只要有機會,一定落場湊女。呢一日,陳是知唔使返學,換走阿媽跟 daddy出街,兩父女加埋外傭姐姐,喺金鐘太古廣場 Lane Crawford睇傢俬,睇睇吓,成日周圍飛嘅陳可辛,決定買多個唔同 size嘅 Rimowa。

要拆箱驗喼,呢樣嗰樣搞咗接近半個鐘,無無聊聊嘅陳是知捉吓 Pokemon,又逐張椅坐吓;悶親個女,陳可辛又氹又錫。得一粒女,係會肉緊啲嘅!

等老豆買喼, 10歲陳是知就戙响後面玩 Pokemon,捉到攰,索性大字形坐低。

睇個 size,個喼只夠一個人出門用,買完兩父女手拖手行去攞車。

同居生女唔結婚, 8月吳君如 51歲生日同宇宙夫婦食飯,陳可辛亦有一齊。

撰文:八珍


鍾意就快D Share啦!