崔碧珈36G導彈堅料唔怕踩
擁36G重型導彈的崔碧珈在新片搏到盡，拍攝浮台混戰戲時遭兩女出腳左右夾攻，猛踩其G Cup導彈，Cup數隨之飆升至H，令人窒息！對於該場戲令「西瓜胸」變得更有睇頭，而且極堅挺踩極唔扁，她坦言只做足防走光措施，絕無墊Pad！
擁有36G逼爆上圍、被譽為「天下第一胸」的崔碧珈（Anita），在黃永峰監製的動作新片《辣警霸王花》中頻頻大騷深不見底的招牌事業線，並與眾女有連場激戰，拍攝現場波濤「胸」湧！Anita曾在多套電影作性感演出，今次一如以往豁出去，與岑麗香、蔡潔（Jacky）、何佩瑜（Jeana）、鄭欣宜及何佩珉等，身穿白色貼身Bra Top襯紅色熱褲在泳池浮台拍攝搏擊戲份！
Anita在片中遭其他女學警嘲笑「打假波」，更慘被圍毆，G Cup巨胸遭兩女出腳蹂躪，左右夾擊！不過，其「西瓜胸」堅過石堅，無懼被踩！
用「西瓜胸」保持平衡
談到當時拍攝情況，Anita坦言被「踩波」一幕是臨時加，所以吃了不少NG：「拍呢場浮台戲，一埋位動作指導就同我講要加呢個鏡頭，因為浮台成日搖，所以對手都唔能夠一下子踩得中。加上當日好熱，所以都拍得比較辛苦！」又笑指巨胸成為其他人用來保持平衡的「踏腳石」。提到拍攝該場戲時上圍似乎比平時更有睇頭，是否有墊Pad？她笑說：「嗰件衫根本冇空位墊！我哋只係做足安全措施，黐膠紙同着打底衫，始終係打戲，防走光最重要。」飾演特種部隊的她現實中同樣注重鍛煉身體，小時候曾考慮做警察，卻因體弱而沒有實踐理想，她說：「我細個寫『我的志願』嘅時候都寫過做警察，但大個後多病孱弱，加上有啲近視，所以就冇再諗。」
岑麗香蔡潔打到水底
片中，Anita上圍受「考驗」，香香與Jacky亦上演大戰，更由浮台打到落水底，Jacky指香香手腳纖幼，擔心會整傷對方：「佢太過嬌滴滴，手手腳腳好幼，對比香香，我都好大隻吓，好驚整到佢！同埋我哋要由浮台打到落水，我哋都濁親幾次。另外有個水底鏡頭好講求默契，我哋又要閉氣又要喺水底扭嚟扭去，難度都高，但出嚟效果就好滿意！」她大讚香香「好Sweet」，與她做對手戲好舒服。
文：影視組
|
鍾意就快D Share啦！
|
|
|