馮德倫同舒淇相識20年，拍拖4年，上月3日驚喜爆婚訊，保密功夫做足，當時《蘋果》更收到獨家消息，稱40歲嘅舒淇同42歲嘅馮生都有造人計劃，舒淇來年更減產，全力催谷。今日舒淇於ig貼咗一張包包圖，重點不在包包係咩牌子，而係包包上掛咗個「孕婦襟章」，唔通……家陣身在日本疑似度蜜月嘅舒淇，啱啱貼出呢張背影背包圖，包包上「孕婦襟章」成重點，舒淇仲加一句「好貼心嗯」，拿，問題嚟喇，呢個包包同包包主人嘅背影，係咪舒淇先？舒淇冇講，但網民都係恭喜咗先啦。其實之前佢喺IG都露出少少端倪，4日前貼愛貓扁嘴Video寫道:「不能吃甜食 不能喝酒 不能吃禽類 不吃牛肉 不能吃海鮮 ⋯⋯⋯請問我出門旅遊的意義在哪裡。」噚日又貼出同姊妹淘林心如、林熙蕾合照，手拿紅酒杯嘅佢留言「______的日子，請填空」，徐若瑄就回應「不能拿酒杯的日子」，真係要戒酒？唔通舒淇今次係「真的懷孕了」？其實謎底好快就揭盅，原來佢哋三姊妹一齊去咗日本，而舒淇ig貼嘅孕婦襟章背包，正正就是o依家懷孕嘅林心如，舒淇同馮德倫就仲未有好消息呢！ 
來源 source: http://s.nextmedia.com
|
鍾意就快D Share啦！
|
|
|
