熱爆娛樂: 【元家班幾十年後......】七小福後繼有人「元二代」多女將 _

2016年10月11日星期二

【元家班幾十年後......】七小福後繼有人「元二代」多女將 __,十年,

【元家班幾十年後......】七小福後繼有人「元二代」多女將	17,623
建立時間 (HKT): 1011 00:01

「元家班」出身武打明星元華，同元秋、元樓（成龍）、元龍（洪金寶）等人被稱做「七小福」，活躍咗喺銀幕幾十年。所謂嘅「元家班」，係60、70年代跟隨于占元習武嘅「元」字輩徒弟，呢一代元家班，唔少都好似元華咁，結咗婚成為咗人哋父母：元秋：

元家班嘅女將，喺70年代做女替身亦都拍過電影，不過80年代結婚之後就息影，婚後育有一子一女。04年「星爺」周星馳力邀出山，喺《功夫》入面演包租婆先正式復出，之後都好少提及仔女，不過百密一疏仍然試過俾人影到佢同仔女出街食飯。元彪：

元彪有女萬事足，佢囡囡April上年喺圓方擺酒，筵開34席人緣甚廣，唔少元家班弟子都俾面出席，更促成咗成龍同陳自強破冰。成龍：

成龍同林鳳嬌生咗一位寶貝仔房祖名，不過就犯咗「全天下男人都會犯嘅錯」同吳綺莉有染，吳綺莉仲喺99年生咗「小龍女」卓琳。洪金寶：

洪金寶係個多仔公，除咗最多人識嘅長子洪天明，仲有兩個仔洪天祥同洪天照。不過多仔公最後都追到個女洪煦榆，不過煦榆一直喺美國讀書，就算放過風想加入娛樂圈，都俾大哥洪天明反對。

	04年元秋復出拍《功夫》，包租婆呢個look真係深入民心。（劇照）	估唔到囡囡同包租婆造型有幾份似樣。（圖片）
元彪上年嫁女。（微博圖片）	抱住好細個嘅囡囡去迪士尼。（忽然1周圖片）	洪金寶育有三子一女。
四個仔女都係同前妻曹恩玉所生。	吳綺莉99年為成龍生下卓琳。