喺13年同拍拖三年嘅中澳混血兒男友Johnathan結婚嘅車婉婉，一直表示對生b隨緣嘅婉婉，佢接受周刊訪問直認陀B 4個月，預產期將於明年4月，恭喜！恭喜！婉婉話佢一直計算經期嘅日子錯得好厲害，喺7月去完首映，嗰晚即刻又痾又嘔，血壓又跌到低於水平，好番之後覺得成日都好攰，戒咗咖啡同飲少咗酒，佢一直都冇諗過自己係有咗，直到有一個女友人知道佢遲咗成個月都未有M，買埋驗孕棒，叫婉婉驗孕。原來婉婉一直都有造人計劃，佢喺今年3月做驗查嘅時候，醫生話過咗40歲嘅女人比較難有BB，提議佢哋可以人工授精，但係佢哋兩公婆決定試埋今年，唔成功明年先再試其他，點知一驗之後，婉婉發現自己竟然有咗，老公知道之後，即刻上網CHECK呢支驗孕棒嘅精準度有幾高，之後仲話希望唔好生女。婉婉笑住話老公唔係重男輕女，而係生女有好多嘢要擔心，仲話將來要用鐵鏈綁住佢，仲要教佢唔好去蘭桂坊，但係婉婉覺得呢一胎係仔，到12月先公佈BB性別。婉婉仲話0依家飲食習慣唔同咗，仲已經推咗2套劇，不過今次生b係意料之外嘅事，所以會唔會生第2胎，隨緣喇！婉婉今日接受《蘋果》訪問，佢話：「多謝你呀！」
| 婉婉話今次有咗，係意料之外！ | | |
| |
來源 source: http://s.nextmedia.com
|
鍾意就快D Share啦！
|
|
|
