掃呢頁CODE去手機

2016年10月29日 星期六

最強小三!劉佩玥楊秀惠出招「辣」㷫人夫 __,劉佩玥,小三,楊秀惠,

劉佩玥同楊秀惠(右下圖)化身最強小三!劇集《幕後玩家》同《來自喵喵星的妳》兩套劇有咩共同點?咪就係同樣有位最強小三囉,《幕後玩家》嘅劉佩玥(Moon)同《來自喵喵星的妳》嘅楊秀惠,兩個都使盡渾身解數,誘惑人夫黃宗澤同陳豪,令一眾網民瘋狂Cap圖,鼻血直流!Moon喺第1集已經以性感吊帶睡衣誘惑黃宗澤,兩個人由門口一路錫到上床,Moon仲反身將Bosco壓喺身下大晒事業線,Bosco都忍唔住摸女方P ...


劉佩玥同楊秀惠(右下圖)化身最強小三!

劇集《幕後玩家》同《來自喵喵星的妳》兩套劇有咩共同點?咪就係同樣有位最強小三囉,《幕後玩家》嘅劉佩玥(Moon)同《來自喵喵星的妳》嘅楊秀惠,兩個都使盡渾身解數,誘惑人夫黃宗澤同陳豪,令一眾網民瘋狂Cap圖,鼻血直流!

Moon喺第1集已經以性感吊帶睡衣誘惑黃宗澤,兩個人由門口一路錫到上床, Moon仲反身將Bosco壓喺身下大晒事業線,Bosco都忍唔住摸女方Pat Pat呀,認真香艷!

高招以退為進

去到第5集,Moon就冇再使出性感誘惑,而係教大家點樣做個知進退嘅小三。劇情講到龔嘉欣帶埋囡囡上公司搵老公黃宗澤食飯,Moon即刻好識做咁主動提出話唔使黃宗澤陪,畀佢陪屋企人,試問有邊個男人唔心動呢?黃宗澤為咗獎勵Moon,忍唔住同佢喺辦公室激吻,Moon呢位小三識得以退為進,呢招果然高招!網民都話對Moon另眼相看,諗唔到一向乖乖女形象嘅佢,可以做得咁放咁有女人味!

陳豪嗌:OH MY GOD!

《來自喵喵星的妳》原來仲吸引,劇中飾演Natasha嘅楊秀惠,喺第7集着上低胸黑色晚裝,加上黑色絲襪盡晒佢對42吋長腿,佢仲同陳豪好專業咁討論黑絲質地,但係咁都未夠,楊秀惠喺陳豪面前解開絲襪帶扣,嚇到陳豪以高八度嘅聲線大叫:「OH MY GOD!」

加送三吋事業線

尋日myTV SUPER就上載咗段片,預告楊秀惠嚟緊又會出招!今次佢換上白色低胸連身裙,話扭親要陳豪幫佢拉筋。除咗42吋美腿之外,呢次仲加送三吋事業線,網民淨睇預告已經話勁期待,又大讚楊秀惠性感得嚟搞笑,做得好好咁話!

網民有話兒

Gigxxxxxan: 一直好喜歡楊秀惠嘅喜感,超正!!!希望佢之後有多啲可以發揮嘅作品

Maxxxxan 楊秀惠好搞笑…姣得好可愛

Karxxxxng:Natasha 做得性感 好笑好睇 Moon kiss得叻

Cherxxxyy:Moon一洗乖乖女形象,演技一流呀!

Bobxxxxen:估唔到Moon身材咁好,我係女仔都畀佢迷倒呀!

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!