【新增影片】
受「海馬」影響，旺角多條紅色小巴路線停駛，包括往寶達及秀荗坪、油塘、藍田和何文田等路線，大量小巴停泊路邊。照常服務的小巴路線則加價。來往先達廣場和紅磡土瓜灣的紅色小巴，原本8元一程，加至30元一程，加價超過3倍。司機強哥（化名）認為加幅合理，是「你情我願」的價錢，「市場問題，你嫌我貴，可以搭的士。」他說，雖然今日人流少，但比平日賺得更多，「今朝6點10分就落刀（掛8號風球），少咗返工返學嗰轉，係最失敗嘅風球。但今日一日等於平日4日啦。」而來往先達廣場至黃大仙的紅色小巴，原價7元，加至10元；而來往九龍城街市至黃大仙則由4元加至5元。司機何先生表示，加價合理，而今日少了一半司機開工，人流亦較少，「正常就坐滿先開車，今日就睇環境。」他說，加價只能僅僅維持平日的收入，「唔會有人投訴架，又唔係貴，你話好似隔離線加20蚊咁就話離譜啫。」在上海街小巴站，有10多名乘客等候前往石梨貝的紅色小巴。乘客李先生表示，已經等了半小時，平日都是「車等人」，又預計車費會由原價13元，加多幾元，「甚至佢可能加10蚊都有，都係合理嘅，甚至再多啲都得，俾幾多都要俾，100蚊都照俾。」他又說，會起碼等多1小時，「我嗰度冇地鐵，費事搭地鐵再轉的士，的士都會加價。」另一名乘客Danny表示，不知道小巴有無開，大約等了10分鐘。他說，沒有預計小巴會否加價，「有得搭咪偷笑囉，仲諗錢啊？」他表示，的士肯定比小巴加價得更厲害，加上有其他人都在等小巴，所以會繼續等下去。
| （何頴賢攝） | | |
| |
|
鍾意就快D Share啦！
|
|
|
