梁家俊(左)今年暑假同李潔瑩(阿Kit)拉埋天窗。
梁家俊老婆靚女人妻李潔瑩(阿Kit)，日前喺賽馬直擊節目中疑似同另一主持王若舜鬧交，其間更未熄咪就爆粗，嗰句「Sorry，我冇L...」就咁出咗街。點知無幾耐之後就輪到王若舜穿崩，講咗一句「咁邊個辣起先呀！」反擊，片段出咗街之後瞬即成為網上熱話。
據知有唔少觀眾向馬會作出投訴阿Kit爆粗，亦有消息話阿Kit同埋王若舜即時停職，直至另行通知為止。換言之，短期內將會見唔到兩位喺直播節目中出現，至於佢哋嘅職務則暫時由馬評家朱鎮輝頂上。
不過，我哋《東網》馬經記者就特登因為呢件事搵阿Kit，睇吓佢有乜回應嘛。阿Kit就話其實佢唔係被停職，反而係自己決定唔做，事關佢同老公梁家俊已經有生B計劃，相反已經做咗賽馬評述一段時間，係時間展開人生新一頁。阿kit仲話馬會對佢好包容，事關馬會話如果佢係呢段時間唔do，好容易令人覺到同今次爆粗事件有關，但佢就唔太介意。
其實阿Kit又的確唔使愁嘅，老公仔梁家俊今季成績又好，真係立心做好太太同埋等做好媽媽好過啦。
來源 source: http://hk.on.cc
|
鍾意就快D Share啦！
|
|
|
