掃呢頁CODE去手機

2016年10月20日 星期四

驚!黃璦瑤囝囝電玩爆炸燒燶牆腳 __,

一件玩具爆炸起上嚟嘅威力真心驚人!!!!!早前三星GalaxyNote7屢傳爆炸,已被香港民航處下禁令,禁止乘客以手提或寄艙方式,攜帶Note7登機往來香港,之後更全面召回兼停售,令電子產品自爆危險引起關注。不過原來唔止電話、叉電器會自爆,連小朋友玩具都一樣爆!奶奶英勇撲火前亞視藝員、已到加拿大發展嘅黃璦瑤,佢就喺微博自爆囝囝一件電玩忽然爆炸,產生小火之餘,佢又上載咗幾張「案發現場」嘅相,見到牆身 ...




其他影片:>>






一件玩具爆炸起上嚟嘅威力真心驚人!!!!!

早前三星Galaxy Note 7屢傳爆炸,已被香港民航處下禁令,禁止乘客以手提或寄艙方式,攜帶Note 7登機往來香港,之後更全面召回兼停售,令電子產品自爆危險引起關注。不過原來唔止電話、叉電器會自爆,連小朋友玩具都一樣爆!

奶奶英勇撲火

前亞視藝員、已到加拿大發展嘅黃璦瑤,佢就喺微博自爆囝囝一件電玩忽然爆炸,產生小火之餘,佢又上載咗幾張「案發現場」嘅相,見到牆身、地板全部燒到黑晒,都咪話唔人驚!!黃璦瑤仲透露屋企天花牆身要油油,地板烤到有幾個印,佢自己又用咗足足6個鐘清潔,不過好在當時佢奶奶喺屋企英勇滅火,最後冇人受傷,亦冇釀成大火,唯一嘅犧牲品就係老公杜挺豪件外套,真係不幸中嘅大幸。

老公外套燒焦

黃璦瑤微博寫道:「今日開完『勁爆娛樂』收工接到電話(話)家中『勁爆電玩』,幸好奶奶在家英勇滅火。兒子的電玩爆炸,產生小火,玩具報銷,天花牆身要油油,地板烤出幾個印,全屋傢俬舖(鋪)上一層灰。回家後,清潔了6個小時。感謝主沒有人受傷,亦沒有讓(釀)成大火。只是一件老公心愛的外套為救火而壯烈犧牲了。」

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!