今年30歲無綫新聞主播嘅余浩宗今日喺24小時新聞台報新聞嗰時眼紅紅，完全係淚的小花黃紫盈翻版 。發生乜事？據知余浩宗一早已經辭咗職，下月中就離職，仲喺fb同朋友公佈咗，佢啲朋友都好支持佢，佢亦好期待新開始，點知今日發生咗啲事，令佢意興闌珊，打算賠錢提早走！余浩宗嘅朋友噚日同《蘋果》爆料話：「佢啱啱去咗泰國玩，一返工就俾花哥(新聞部總監袁志偉)照肺，問佢點解剪咗髮，話佢髮型唔好睇，叫佢要做通宵更，做到離職嗰日，佢好唔開心！」噚日余浩宗報新聞期間明顯眼紅紅，完成新聞報導後仲傳出佢因為眼紅被即炒。《蘋果》即時聯絡佢，問到佢係唔係被炒，回覆嘅時候佢仲口震震心情似未平伏，佢話：「其實都唔方便講太多，因為都好突然，但係聽日開始唔會再喺幕前出現。」其實余浩宗噚日都喺facebook大呻話：「我好鍾意我嘅工作，但好討厭我間公司，我寧願畀錢早啲走。CCTVB呢間公司果然唔係浪得虛名。從來未試過咁委屈，如果見到我今日報報下喊唔好咁驚奇。」
來源 source: http://s.nextmedia.com
|
鍾意就快D Share啦！
|
|
|
