劉鑾雄（大劉）日前發咗聲明話同呂麗君分手，噚日仲親自接受咗《蘋果》訪問，再炮轟呂麗君「貪得無厭」，經常以不同理由問佢攞錢，令佢心死決定同佢分手。不過呂麗君做回應時繼續叫大劉做「老公」，更叫大劉「唔好死心」，EQ高到爆晒燈！今日有報道指呂麗君同仔女原本喺大劉家族信託受益人名單當中，但係華置喺舊年嘅年報中，已刪走呂麗君同子女嘅字眼，一概改成大劉同其若干其他家族成員為合資格受益人，疑大劉已步署同呂麗君劃清界線。據知大劉為防將來有人有所行動，已預留100億俾大仔劉鳴煒同女友甘比。大劉噚日接受訪問話：「呂麗君請埋一班律師，想做乜你估我諗唔到咩！將來就算立晒遺囑，佢都有可能諗啲方法打爭產官司，可能明知輸㗎，佢都拖你10年8年，咁樣我啲遺產凍結晒，甘比同我啲仔女冇錢同佢打官司咪迫住同佢講數，咁佢咪得益，所以我o依家俾定每人幾十億佢哋，到時就唔使怕同佢打官司，我同甘比、鳴煒講，唔好退讓，打10年都同佢打。」
| 大劉名下嘅住宅、車，安排好俾秀盈同子鋒使用。 | | |
| |
來源 source: http://s.nextmedia.com
|
鍾意就快D Share啦！
|
|
|
