掃呢頁CODE去手機

2016年11月16日 星期三

【打10年都照打】為打官司做準備 大劉預留100億俾甘比劉鳴煒 __,鳴煒,甘比,劉鑾雄,大劉,劉鳴煒,

劉鑾雄(大劉)日前發咗聲明話同呂麗君分手,噚日仲親自接受咗《蘋果》訪問,再炮轟呂麗君「貪得無厭」,經常以不同理由問佢攞錢,令佢心死決定同佢分手。不過呂麗君做回應時繼續叫大劉做「老公」,更叫大劉「唔好死心」,EQ高到爆晒燈!今日有報道指呂麗君同仔女原本喺大劉家族信託受益人名單當中,但係華置喺舊年嘅年報中,已刪走呂麗君同子女嘅字眼,一概改成大劉同其若干其他家族成員為合資格受益人,疑大劉已步署同呂麗君劃 ...




其他影片:>>






劉鑾雄(大劉)日前發咗聲明話同呂麗君分手,噚日仲親自接受咗《蘋果》訪問,再炮轟呂麗君「貪得無厭」,經常以不同理由問佢攞錢,令佢心死決定同佢分手。不過呂麗君做回應時繼續叫大劉做「老公」,更叫大劉「唔好死心」,EQ高到爆晒燈!今日有報道指呂麗君同仔女原本喺大劉家族信託受益人名單當中,但係華置喺舊年嘅年報中,已刪走呂麗君同子女嘅字眼,一概改成大劉同其若干其他家族成員為合資格受益人,疑大劉已步署同呂麗君劃清界線。據知大劉為防將來有人有所行動,已預留100億俾大仔劉鳴煒同女友甘比。大劉噚日接受訪問話:「呂麗君請埋一班律師,想做乜你估我諗唔到咩!將來就算立晒遺囑,佢都有可能諗啲方法打爭產官司,可能明知輸㗎,佢都拖你10年8年,咁樣我啲遺產凍結晒,甘比同我啲仔女冇錢同佢打官司咪迫住同佢講數,咁佢咪得益,所以我o依家俾定每人幾十億佢哋,到時就唔使怕同佢打官司,我同甘比、鳴煒講,唔好退讓,打10年都同佢打。」

大劉名下嘅住宅、車,安排好俾秀盈同子鋒使用。 大劉話預留咗100億去打官司。 呂麗君湊完仔返屋企,再去酒店赴約。(攝影:黃曉程、羅德光、曹家誠)
(攝影:黃曉程、羅德光、曹家誠)

來源 source: http://s.nextmedia.com
鍾意就快D Share啦!