2012年港姐冠軍張名雅喺9月嗰陣，同圈外律師男友蔡錦豪結婚。當時盛傳佢雙喜臨門，而佢亦冇正面否認，只係話：「交畀老公同個天。總之好開心咁結婚，其他唔講啦，恭喜我新婚快樂」對於想生多少個？佢就咁答：「愈多愈好，我哋都很喜歡小朋友。」兩個月後嘅今日，謎底終於揭盅！張名雅今日喺Ig貼咗同老公着住孖寶兄弟Luigi套綠色衫，仲以為係萬聖節裝束，不過見張名雅老公，兩隻手摸住老婆個肚仔，而張名雅就用英文自問自答貼文話：「Mario喺邊呀？我喺媽咪肚入面呀！」仲hashtag咗happybaby㖭！明白晒！對於宣佈陀B喜訊，《蘋果》今日打俾張名雅，問到係咪夠3個月，可以公佈好消息，張名雅話：「唔係，我哋屋企人都冇咩夠唔夠3個月先可以公佈，可能我係加拿大長大，喺咁啱萬聖節咁開心，咪玩下cosplay公佈喜訊，婚禮前幾個月都好忙，跟住去加拿大同蘇梅島都好忙，relax過後返來香港就同大家分享喜悅！」張名雅唔肯講預產期，因為佢想暫時保持神秘，或者遲啲再公佈，咁係咪怕人哋話佢未婚懷孕先？佢話：「唔係，其實我識到老公，有咗bb都係緣份，認識佢嘅時候已經認定對方，係以結婚同組織家庭嘅對象，我哋都鍾意小朋友，所以生仔結婚都係我哋嘅共同目標，有計劃同埋緣份。最緊要係我哋一家人開心快樂，bb可以健健康康。」
| (張名雅Ig圖片) | | |
| |  (張名雅Ig圖片) | |
| | |
來源 source: http://s.nextmedia.com
|
鍾意就快D Share啦！
|
|
|
