2016年11月2日 星期三

【樓梯試「位」真係high啲?】楊洛婷凸肚有喜? 「唔係呀,咁恐怖!」 __,楊洛婷,

周汶錡今晚與扒女李依琳、榮文蔚等出席喺中環置地廣場舉行嘅護膚品牌活動,原本係由着咗前低胸後露背裝、大賣性感嘅周汶錡係最吸睛,點知,突然有個「BB」衝出嚟搶鏡!事源楊洛婷都有份現身活動,佢着咗條黑色閃片裙現身,不嬲出晒名好身材嘅佢被人影到有啲肚凸凸,即刻惹嚟懷孕疑雲。活動後,楊洛婷接受《蘋果》電話訪問,佢不停嗌「咁恐怖」!楊洛婷話:「唔係呀,今日好多人見到都讚條裙靚,又話我瘦咗,點解睇相剛啱相反?」 ...


周汶錡今晚與扒女李依琳、榮文蔚等出席喺中環置地廣場舉行嘅護膚品牌活動,原本係由着咗前低胸後露背裝、大賣性感嘅周汶錡係最吸睛,點知,突然有個「BB」衝出嚟搶鏡!事源楊洛婷都有份現身活動,佢着咗條黑色閃片裙現身,不嬲出晒名好身材嘅佢被人影到有啲肚凸凸,即刻惹嚟懷孕疑雲。活動後,楊洛婷接受《蘋果》電話訪問,佢不停嗌「咁恐怖」!楊洛婷話:「唔係呀,今日好多人見到都讚條裙靚,又話我瘦咗,點解睇相剛啱相反?」楊洛婷承認有計劃生BB,但由於同老公各有各忙,至今都未能如願,佢話:「順其自然,但媽咪都係咁催我呀,希望快啲啦。(不設防?)如果想生都係不設房啦,但老公日日都出Show,又要返大陸,我真係要追到佢去band房呀。」事後楊洛婷都有喺自己Instagram留言話被人問自己係咪有B……其實之前楊洛婷都放晒聲氣話用食蟲草補身,又會同老公「用盡方法」去造人、想下年生雞仔,仲同老公喺屋企條樓梯試擺「嗰啲姿勢」,話「應該會high啲」(新聞連結: http://bit.ly/2f8JDhD ),難怪一個視覺上嘅錯誤,引嚟咁大嘅誤會……同場仲有個好性感嘅周汶錡透露貼咗膠紙防走光,佢話每次化好妝準備出街時,囝囝Jacques總會攬住佢唔俾佢離開,周汶錡惟有玩偷走。問Jacques點解唔想媽咪出街時,周汶錡話:「唔係唔想我出街,係想跟埋出嚟。」佢又話事前冇俾老公睇過自己今晚着嗰套衫,周汶錡話:「因為老公乜都睇過晒。」至於李依琳今晚戴上2卡求婚鑽戒現身,佢話拍拖兩年幾醫生男友早前喺威尼斯船上向佢求婚,令佢感動到喊,又指父母好鍾意呢位未來女婿,俾佢超過100分。問婚禮幾時舉行時,李依琳以英語話:「還未計劃。」

再睇清楚啲…… 楊洛婷喺Ig度呻被人話自己有咗 楊洛婷同老公Tim非常恩愛(資料圖片)
周汶錡話已經做足安全措施,貼好膠紙防走光。 一步一驚心 扒女李依琳獲男友求婚,但未定幾時舉行婚禮。
榮文蔚

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...