掃呢頁CODE去手機

2016年11月25日 星期五

劉佩玥再爆《幕後》高潮:會覺得我好慘 __,劉佩玥,

《幕後》嘅劇情,真係愈嚟愈緊張呀!由黃宗澤(Bosco)、龔嘉欣和劉佩玥(Moon)主演的台慶劇《幕後玩家》,本周高潮位隨着男方被鬧賤男,搞大「小三」個肚再飛正印,三角關係刺激高收視及引爆網民熱話,Bosco推舉嘉欣演技可贏「女配」外,更自爆劇中兄弟提醒他要請保鏢傍身。《幕後玩家》本周高潮位發生在Bosco與Moon的私情,做「小三」的Moon懷着身孕高調向正印攤牌,「正印」嘉欣喊功了得更被激讚, ...


《幕後》嘅劇情,真係愈嚟愈緊張呀!

由黃宗澤(Bosco)、龔嘉欣和劉佩玥(Moon)主演的台慶劇《幕後玩家》,本周高潮位隨着男方被鬧賤男,搞大「小三」個肚再飛正印,三角關係刺激高收視及引爆網民熱話,Bosco推舉嘉欣演技可贏「女配」外,更自爆劇中兄弟提醒他要請保鏢傍身。

《幕後玩家》本周高潮位發生在Bosco與Moon的私情,做「小三」的Moon懷着身孕高調向正印攤牌,「正印」嘉欣喊功了得更被激讚,不少觀眾及網民看得肉緊,多場重點戲份更攀上當晚的最高收視之位,分別為馮素波被車撞死和「小三」Moon入靈堂場口,收視高達26.4,近171萬觀眾;而另一場Bosco與老婆嘉欣於飛機上攤牌戲,收視則達25點,有162萬觀眾。

對於被鬧到體無完膚,身在內地拍劇的Bosco受訪時笑指是好事:「其實呢個角色要觀眾憎先有話題,拍檔蕭正楠、張繼聰呢班死仔包,叫我請定保鏢,話我因住出去畀人打!(怕出街被鬧?)啲觀眾好明智,鬧都鬧角色,多謝大家咁關心套劇!睇到有網民留言講我同老婆喺飛機離婚嗰場,仲鬧我PK、好賤!哈哈!(有信心攞獎?)最想個劇攞獎,其他兄弟姊妹做得好有獎攞更加好。(賤男視帝唔想攞?)視帝呢啲獎...我向來睇得唔重!」而「小三」Moon接受電話訪問時亦笑稱:「學阿聰喺劇中話齋,做小三預咗被抦!不過觀眾高智商嘅,佢哋鬧角色啫,劇情發展落去,遲啲觀眾唔會厭惡,反而覺得我好慘!」

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!