鄧梓峰同曹眾噚晚喺九龍站麗思卡爾頓酒店，為香港溫州工商會5周年活動做司儀，提到陳凱琳前日喺台慶將「奮不顧身」錯講為「TVB每一個藝人都粉身碎骨」（相關新聞： http://bit.ly/2fidd6c ），鄧梓峰表示因工作冇睇到台慶，之後先睇番重播，又發揮金牌司儀本色幫手兜，話呢個講法冇問題：「都可以咁形容，相信藝人除咗『奮不顧身』，都『粉身碎骨』。」對於嘟姐鄭裕玲唔知係抽水式糾正錯誤，鄧梓峰笑言：「嘟姐平時舒服，冇人敢叫佢咁辛苦。」鄧梓峰表示冇睇陳凱琳「出事」個part：「同佢合作過，司儀經驗幼嫩一啲，做司儀好多嘢，live係另一種挑戰，要一眼關七，要畀時間佢累積經驗，大把機會畀佢練習。」問到佢覺唔覺陳凱琳喺台慶講「粉身碎骨」唔吉利，鄧梓峰笑言：「唔會啩。」另外，曹眾就係呢個活動籌委會主席，佢就表示：「今次第一次舉行溫州最佳貢獻獎，同成立創業基金，今年第一年有100萬畀人申請，評選一個團體，只要入面有溫州等朋友就可以申請，同晚今晚有最佳形象獎，得獎者係靚靚(袁詠儀)，佢喺內地，拍咗片。」曹眾透露聖誕會同囡囡去夏威夷過，問到佢有冇戲癮，佢就話：「好有戲癮，歡迎大家有工作隨時搵我。」
來源 source: http://s.nextmedia.com
|
鍾意就快D Share啦！
|
|
|
