掃呢頁CODE去手機

2016年11月21日 星期一

【大台技窮】《致命復活》陳庭欣「一秒強姦」被棄屍荒野 網民:不如唔好做 __,庭欣,TVB,大台,致命復活,陳庭欣,

大台台慶劇《致命復活》今晚首播,淨係睇tralier都覺得套劇有啲奇怪,郭晉安嘅角色俾人困喺山洞十年,變到成個野人咁,又生食蛇又生食田雞,齋睇字都覺得嘔心。萬綺雯喺劇中仲要俾人強姦,黃德斌又揸槍,王浩信又俾人打到豬頭,到底套劇係講咩㗎呢?今次連播兩個鐘,都係講啲背景嘢囉,做「公司醫生」嘅郭晉安同王浩信10年前去越南做嘢,點知俾人綁架,最後王浩信走得甩,郭晉安就被困喺一個荒島嘅山洞入面。而大台今次又 ...




其他影片:>>






大台台慶劇《致命復活》今晚首播,淨係睇tralier都覺得套劇有啲奇怪,郭晉安嘅角色俾人困喺山洞十年,變到成個野人咁,又生食蛇又生食田雞,齋睇字都覺得嘔心。萬綺雯喺劇中仲要俾人強姦,黃德斌又揸槍,王浩信又俾人打到豬頭,到底套劇係講咩㗎呢?今次連播兩個鐘,都係講啲背景嘢囉,做「公司醫生」嘅郭晉安同王浩信10年前去越南做嘢,點知俾人綁架,最後王浩信走得甩,郭晉安就被困喺一個荒島嘅山洞入面。而大台今次又用返個條橋,冇錯,又係用強姦做綽頭,本身喺tralier已經見到萬綺雯會俾人強姦。到今晚首播,就有陳庭欣畀人「一秒強姦」,先姦後殺,仲要棄屍荒野;唔止咁,萬綺雯俾綁匪捉咗,個綁匪仲要叫蚊蚊自己除衫,唔係直接強姦佢,咁樣就造就咗個英雄救美嘅機會俾黃德斌喇。為咗搵到郭晉安喺邊,萬綺雯仲要着到身光頸靚上擂台做沙包俾人打一round,點知變人打完一身都係冇料到……跟住上演幾次「啱啱與着剛剛」,萬綺雯同郭晉安就咁就要分開十年,最後又無啦啦重逢。有網民話今次套劇係《老表》復活,又話係《與敵同行3》,仲有網民話係香港《原罪犯》,唔通大台今次又「參考」其他劇本?又有網民預測劇情:「第一集又槍戰,又追車,又爆炸,又打到七彩;第二集開始三角戀……」亦有網民話:「全部都係一秒強姦,不如唔好做。」不過本報接獲消息,《致》劇喺越南拍攝期間獲越南政府協助,所以大台決定安排呢套劇喺越南官方電視台同步播出,不過有傳越南嘅電檢處唔批,因為套劇有越南綁架情節,所以告吹。《蘋果》向監製林志華求證,佢話:「呢個唔係我嘅工作範圍,唔清楚有關事情,我只係知道要盡快完成交俾海外發行嘅同事!」女主角萬綺雯亦透過短訊話:「我冇聽過,我之前一路冇聽過,唔知呀!」

(《致命復活》截圖) 陳庭欣綁匪捉住,再次被「一秒強姦」。(《致命復活》截圖) (《致命復活》截圖)
喇。(《致命復活》截圖) 最後仲被棄屍荒野。(《致命復活》截圖) (《致命復活》截圖)
(《致命復活》截圖) 萬綺雯都被捉。(《致命復活》截圖) (《致命復活》截圖)
綁匪仲叫萬綺雯自己除衫。(《致命復活》截圖) 萬綺雯俾人打咗一身。(《致命復活》截圖) (《致命復活》截圖)
(《致命復活》截圖) 網民留言
郭晉安變成野人。(《致命復活》截圖)

來源 source: http://s.nextmedia.com
鍾意就快D Share啦!