趙碩之（右圖）話佢將男友趕到咁遠都趕唔走，所以即係冇事
藝人趙碩之（Wylie）與呂晶晶到演藝學院欣賞馬浚偉演出的舞台劇，兩人穿上了近似服飾，被讚有默契，晶晶說：「我哋冇夾過着乜，頭先食飯都好驚訝，大家咁啱揀埋類似嘅衫，發現連牛仔褲同鞋都差唔多。（合作《隱世者們》默契好咗？）係呀，我哋好多嘢都好似，又會上同一個網站買衫，頭先食飯佢仲送小禮物畀我，我好鍾意，係好姊妹之一。（連揀男友都似？）我知佢鍾意靚仔。」
疑抽莊端兒抽水
Wylie則疑似向之前爆出不認呂晶晶為好姊妹的莊端兒抽水，她說：「其實送禮物唔算係好姊妹，我記得晶晶之前有個姊妹，送咗禮物唔計數，哈哈哈！我同晶晶連特別日子都一齊。（鍾意同一樣嘅男仔？）我哋會唔一樣，佢想揀個穩定，我就着重過程，我同晶晶講，可以同男友一齊成長都幾好。（你依家感情狀況點？）有拍拖，之前記者問佢（男友林家亮）唔喺香港幾個月，係咪分手，我話係我趕走佢，佢唔喺香港好耐，佢話會過嚟睇我，又以為我會識新朋友，其實佢仲係男友㗎，趕到咁遠都趕唔走！不過我唔係好習慣Long D（異地戀），會好吃力。」
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
來源 source: http://hk.on.cc
|
鍾意就快D Share啦！
|
|
|