楊冪同老公劉愷威一向俾人感覺係一對恩愛嘅伴侶，拍拖時都會喺微博晒合照分享甜蜜，不過自從結婚生完囡囡小糯米後，二人不時分隔兩地，雖然佢哋都係身在大陸拍戲，不過因為工作關係聚少離多，湊囡囡嘅重任就落咗喺老爺劉丹及奶奶身上，就連楊冪今年8月現身香港湊女返學(新聞連結：http://bit.ly/2fqHeze)都只係得佢同奶奶，未有約埋老公劉愷威!劉丹早前接受傳媒訪問都講過孫女小糯米每日都會同爸爸媽咪傾視像，以前細個嗰陣就會好好奇，不過o依家兩歲大個咗，爸爸媽咪打電話返嚟，佢就唔樂意聽，反而繼續玩自己啲玩具，而且小糯米性格比較開朗成日笑。楊冪今年8月就錄《真正男子漢》第二季，講佢同幾個大陸藝人去空軍軍營，體驗3日2夜嘅軍訓，同一啲年輕部隊成員一齊接受訓練，未知係唔係個節目錄完，楊冪忽然喺8月30號被《蘋果》影到喺香港湊女!上周五播出《真》片中講一班女藝人完成任務，教官獎勵佢哋可以打電話返屋企，但每人僅有3分鐘通話時間，楊冪先問可唔可以打長途電話，不過第一次冇人聽，佢再試打第二次時就話：「我最後再試一次!」原來楊冪係打俾老爺劉丹，佢一接通電話就講：「喂！爸爸，聽得到嗎？」劉丹答：「聽見，聽得好清楚。」楊冪就話現時接受軍訓，笑晒問：「小糯米睡了嗎，你們好不好啊？這麼晚打過來！」之後即傳出小糯米叫「媽媽」、「媽咪呀」，楊冪同囡囡講：「Hello!你好不好?」點知囡囡竟然話：「No!No!奶奶!奶奶!」令楊冪笑咗出嚟問囡囡係唔係喺度玩，劉丹解釋小糯米喺度讀書，跟住楊冪就話要同囡囡講聲「good night」，劉丹叫孫女講聲「bye-bye」，小糯米亦乖乖咁大聲講咗句：「媽媽，I love you!媽咪，bye-bye!」仲聽到飛吻嘅聲。楊冪聽完電話笑容滿面，估計佢係錄完，好掛住愛女先單拖嚟香港見見個寶貝女!!!
|
鍾意就快D Share啦！
|
|
|