79歲的戲劇大師鍾景輝（King Sir），由07年開始參演香港中英劇團舞台劇《相約星期二》，飾演患絕症的慕理教授。舞台劇講述年輕記者明哲為生活迷失方向，重遇患絕症的King Sir，於是相約每個星期二到教授病榻前聽教誨，重新學習愛、疾病和死亡。「明哲」一角由盧智燊演出，後來才由陳國邦上陣演出，慕理教授一直不變。該劇原定下月第21度公演，惟劇團日前突然宣佈King Sir因身體抱恙未能參與是次演出，改由劇團藝術總監兼該劇導演古天農暫代。《蘋果》得悉King Sir是罹患大腸癌，猶幸發現得早，屬第一期，早前已接受微創手術割除，並已出院返家休養。仍在休養的King Sir，今日接受《蘋果》電話訪問，他說:「我身體唔係好舒服，呢排，我剛做手術割咗個大腸。依家好啲，冇大問題，已經出咗院，喺屋企休息。」King Sir愛徒陳國邦接受本報電話訪問時就稱:「呀……係吖！係醫學上係叫Cancer，屬於第一期腸癌，但發現得好早，切除後化療都唔需要做。」陳國邦透露King Sir在兩個幾月前發現患癌，即時到醫院做化驗及安排做手術，上星期已經出院，康復進度理想：「瘦咗？呢個當然，今次老師做咗微創手術，但手術至今唔係好長時間，但佢做完手術後一星期已經可以落地，唔需要人扶都可以行到。可能講電話感覺比較弱，但我每幾日去睇老師，現場見佢好精神，血氣都好好，各方面健康情況都樂觀同好好。咁當然真係做完後，係體力上唔可以咁快出演一個體力咁大嘅劇，但相信好快，老師可以重拾佢嘅電視或舞台劇工作。」King Sir，祝你早日康復！
|
鍾意就快D Share啦！
|
|
|
