掃呢頁CODE去手機

2016年11月1日 星期二

拍拖斷正》上羅天宇座駕勁心虛 湯洛雯落車換位避耳目 __,羅天宇,湯洛雯,

拍拖斷正》上羅天宇座駕勁心虛湯洛雯落車換位避耳目吓?由車頭變坐後面?湯洛雯突然間咁換法,真係冇私顯見私喎!呢架車本身就係羅天宇嘅,女朋友坐車頭天經地義。就算湯洛雯唔認係羅天宇女朋友都好,咁多個麻甩佬一齊,佢坐車頭一樣好正常吖!不過,大台唔多like藝人拍拖,羅天宇同湯洛雯就算出街都要保持距離!前排大台吹雞搞活動,周志康、羅天宇同胡㻗三個同湯洛雯、歐陽巧瑩一齊食飯。成張凳有四個燈泡喺度,但係都無阻湯 ...




  • 其他影片:>>






  • 拍拖斷正》上羅天宇座駕勁心虛 湯洛雯落車換位避耳目
  • 吓? 由車頭變坐後面? 湯洛雯突然間咁換法,真係冇私顯見私喎!呢架車本身就係羅天宇嘅,女朋友坐車頭天經地義。就算湯洛雯唔認係羅天宇女朋友都好,咁多個麻甩佬一齊,佢坐車頭一樣好正常吖!

    不過,大台唔多like藝人拍拖,羅天宇同湯洛雯就算出街都要保持距離!前排大台吹雞搞活動,周志康、羅天宇同胡㻗三個同湯洛雯、歐陽巧瑩一齊食飯。成張凳有四個燈泡喺度,但係都無阻湯洛雯托住腮向男友羅天宇放電。湯洛雯都好識做嘅,間唔時都同周志康、歐陽巧瑩傾下計,唔使閃親隔離! 話晒林師傑又唔係度,怕歐陽巧瑩嬲豬。

    成班人就得歐陽巧瑩走先,淨番呢四個人就繼續走下場。未幾,湯洛雯交個袋俾羅天宇呢下嘅動作,幾純熟!  湯洛雯仲要回眸一笑,含春咁樣,唔使睇都知佢哋咩關係啦!湯洛雯去完廁所,就喺超級市場會合番幾位靚仔一齊上倉,之後就上車。

    周志康就好眼利見到《壹》仔係後面,仲打聲招呼。原本坐喺車頭嘅湯洛雯一聽到有記者,驚死俾人發現,即時同羅天宇細佬調位,搞到羅天宇、周志康呆埋一份啦!乜你真係以為咁做,就可以撇清同羅天宇嘅情侶關係咩? 少年,你太天真啦!

    鍾意就快D Share啦!