掃呢頁CODE去手機

2016年11月30日 星期三

解Bra晒背!真空譚凱琪裸上位 __,譚凱琪,

WOW~WOW~WOW~機會嚟喇,譚凱琪!無綫台慶劇《致命復活》搵嚟多位靚女孭飛,其中32.5C「蜜桃胸」嘅陳庭欣憑一秒姦殺戲率先跑出,不過尋晚就輪到譚凱琪(Zoie)彈出!早前《東網》獨家爆Zoie搏到盡,為劇集大膽地僅以毛巾遮胸,展示白滑玉背,重點係Zoie真空上陣,齋睇文字已經令人無限遐想,睇埋圖仲得了!而萬眾期待嘅呢一幕終於喺尋晚播出,雖然只係睇到Zoie個裸背,不過有埋性感泳裝搭救,足以 ...




其他影片:>>






WOW~WOW~WOW~機會嚟喇,譚凱琪!

無綫台慶劇《致命復活》搵嚟多位靚女孭飛,其中32.5C「蜜桃胸」嘅陳庭欣憑一秒姦殺戲率先跑出,不過尋晚就輪到譚凱琪(Zoie)彈出!早前《東網》獨家爆Zoie搏到盡,為劇集大膽地僅以毛巾遮胸,展示白滑玉背,重點係Zoie真空上陣,齋睇文字已經令人無限遐想,睇埋圖仲得了!而萬眾期待嘅呢一幕終於喺尋晚播出,雖然只係睇到Zoie個裸背,不過有埋性感泳裝搭救,足以令宅男們睇到鼻血直流,仲大讚Zoie好索𠻹!

網民勁Buy濕身戲分

靚女自然要被萬人呵護兼供奉,點知有人一於冇理,公然蝦索爆Zoie,真係可怒也!究竟係邊個咁大膽?咪就係人稱「Signal Wong」嘅王浩信囉!劇中佢同Zoie係鬥氣冤家,尋晚嗰集講到佢哋去咗越南出差,王浩信趁機整蠱Zoie,唔單止大大力搣Zoie面仔,又搭佢膊頭抽水,仲喺泳池邊推Zoie落水𠻹!一班憐香惜玉嘅網友自然鬧爆王浩信衰仔,仲留言呵番Zoie,最搞笑係有人讚濕笠笠嘅Zoie依然咁正,真係要封佢做出水芙蓉!

李嘉奇招報仇嚇走Zoie

嬲爆爆嘅Zoie梗係要報仇,不過佢一個弱質女子點同王浩信鬥先?所以佢去咗搵有一身好武功嘅李嘉幫拖,李嘉仲牙擦擦咁話要用三招攻王浩信對長腿,就係「爆蓋擒拿手」、「碎骨迷魂鎖」、「大力破柴手」,之後仲逐一示範。見李嘉一下子揸爛個橙,仲當正假人係「小浩信」狂踩,睇見都覺痛!Zoie當然嚇到花容失色啦,仲連仇都唔報就急急腳走人,認真爆笑!

心水清嘅網友即話Zoie明明想整蠱王浩信,點知李嘉好似想殺人咁打算中人要害,報復變殺人,真係「嚇到個心離一離」呀!

網民有話兒:

AlexXX:譚凱琪好正,但如果張枱過少少就好啦,遮住晒冇睇頭!!!

XXXineChow:本身諗住搵人整蠱Signal Wong,點知條友斷人手腳,報復變殺人,嚇死人咩!

MaxXXXHui:Lock人好似切菜咁得人驚,離遠見到都走

胡嘉X:用眼復仇又有乜招呢?

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!