羅霖今日着住條性感低胸綠色晚裝裙，現身沙田馬場，參加「莎莎婦女銀袋日」活動。講到嚟緊參加好友鍾麗緹(Christy)嘅婚禮，羅琳就話已經準備咗金器俾準新娘。「我聽日飛北京，佢哋以海洋做主題，到時會着條透視裙。知道Christy想生個仔，所以祝佢連生貴子。」問生咗3個仔嘅羅霖會唔會過兩招俾新娘，羅霖就話：「o依家科技好先進嘅，我都知外國搞吓都得，我都想生個女，不過工作太忙，到我想生時，已經收經睇吓出年拍完劇，就雪定粒卵先，雪定冇壞吖！」講到之前話要凍結同細廿年強國男友嘅感情，（新聞連結：http://bit.ly/2fd7iNw )羅霖就話：「係呀，o依家都有追求者，其實唔想有太親密嘅關係，因為情緒好易影響到工作。」講到嫩男友係咪想生BB，羅霖答：「其實我一早同啲追求者講明唔生，因為我已經有3個仔啦，之前嘅男友就退一步叫做朋友先，到12月先再決定。」問佢12月會復合定另有新戀情。佢話：「新嘅都有機會o架！總之感情會持開放態度！」記者問係咪嫌嫩男太管制，羅霖就笑住答：「你哋咁清楚嘅？我冇講呀，總之係性格問題啦，如果兩個人成日check住晒，唔信任對方就唔得囉！」
| （攝影：仇志德） | | |
| | | |
來源 source: http://s.nextmedia.com
|
鍾意就快D Share啦！
|
|
|