武打演員伍允龍（Philip）之前喺無綫劇集《城寨英雄》入面使出真功夫，同劇中嘅演員打到飛起，而且拳拳到肉，佢都堅持親身上陣。但係更鋒利嘅刀總有生鏽嘅一日，再好嘅武功都有失手嘅時候！
自嘲非鐵造
Philip今晚喺社交網站上載咗一張X光片，相片見到Philip的前臂裂開咗一道裂痕，佢留言話：「Pain is temporary but it still hurts（疼痛是暫時的，但仍然是受傷。）原來我真係唔係鐵造嘅。」唔少網友都戥Philip痛，叫佢咪亂咁周圍走，留喺屋企好好休息。另外亦有網友就搞笑話「龍」骨裂咗都係小事，「龍筋」無斷就得。
骨折被勒令休息
東網就此事聯絡其經理人，她透露伍允龍近日於電視城為明晚舉行的《歡樂滿東華2016》進行綵排，本來他將聯同洪天明劈道具，當中有木箱、沙煲及冰，結果於未有度清楚位置情況下，伍允龍於劈冰時不慎導致右手骨折，經中醫診斷後要求休息12星期。雖然伍允龍日內要開拍一部新片，本月尾又要為另一部電影開工，屆時還要與「宇宙最強」甄子丹對打，如今惟有把全部工作叫停。
針炙敷藥治療傷勢
經理人謂：「冇計本來畀佢放到10號開工，依家又受傷，要針炙同敷藥，醫生話好在佢條骨唔係插出嚟會好啲。（無綫會唔會賠償？）監製何小慧都同我傾咗6、7個電話，佢都好唔好意思，話佢哋會負責阿龍醫藥費。」
無綫賠醫藥費
而監製何小慧接受《東網》訪問時，透露屆時會找另一藝人頂替伍允龍與天明演出，更謂：「佢演出唔到真係好可惜，至於傷勢問題，無綫有同佢買保險，醫藥費亦會幫佢跟進。」據知會由翟威廉頂替伍允龍演出《東華》。
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
|
鍾意就快D Share啦！
|
|
|