香香晒巨鑽放閃月中做強嫂
現年32歲的「處女黨」成員岑麗香，昨日在網上宣布與男友強強訂咗婚！兩人將於本月中在溫哥華舉行婚禮，消息一出不知傷盡幾多宅男心！趕上2016年女星出嫁潮的香香強調並非奉子成婚：「我唔急住生BB，之前拍拖都係遠距離，希望婚後可以二人世界。」力保處女黨聲譽！
「香香公主」岑麗香與拍拖一年半的男友強強（Joshua）將於本月中在溫哥華拉埋天窗！香香昨午在社交網上載與未來老公強強笑到見牙唔見眼的幸福照放閃，加上無名指上的巨型鑽戒及一段幸福宣言，閃爆眼球的同時，亦傷盡不知幾多宅男粉絲的心！
工作後重遇 認定Mr.Right
中文一向麻麻的香香在Instagram以中文留言：「我好感恩終於可以同大家宣布，上帝畀我搵到我嘅Mr.Right喇！多年前我哋喺溫哥華因為工作關係而認識，但自此並冇聯繫……估唔到多年之後，喺朋友嘅介紹下，我哋再次遇上……強強（Joshua）由朋友變成我男朋友，而到今日，成為我未婚夫！能夠同自己嘅心靈伴侶結婚，係一種幸福。」香香又感謝家人與朋友幫忙保守秘密：「大日子快到了，依家忙於準備，請體諒我未必可以完全回覆到大家。好感謝大家，你們的祝福我哋完全收到晒！」
香香昨日對記者透露，今年2月已獲男友正式求婚兼訂埋婚，全程難掩即將成為「強嫂」的喜悅：「要籌備好多嘢，通知咗公司。（幾時認定強強係Mr.Right？）拍拖一年後！公布咗（婚訊）輕鬆晒，好似訂婚戒指，出街唔戴得，瞓醒又要除，有朋友又要除，偷偷摸摸咁！不過有不實報道話我大肚，我澄清唔係有BB，依家唔急住生BB，之前拍拖都係遠距離，希望婚後可以二人世界先！（婚後息影？）唔會！一定做嘢，我太鍾意呢份工，另一半都好支持。（要同強強分隔兩地？）討論緊，可能有啲安排，婚後我都會返香港出席倒數活動！」
否認有咗 婚後繼續撈
問到未來老公如何打動芳心？香香即狂讚強強：「我一直同神講想遇到Mr.Right，遇到強強就感覺到係佢！唔使再揀。（佢點求婚？）浪漫得嚟好簡單，喺個教堂同佢父母都在場見證，我都好快Say Yes！（強強有咩吸引你？）孝順、錫屋企人同我，咁錫屋企嘅人，將來都會好錫老婆！」她透露12月中在溫哥華行簡單婚禮，但會邀請親朋好友，圈中好姊妹亦正度期出席。
無綫高層樂易玲祝福香香嫁得有情人：「佢12月底會返嚟投入番工作。（嫁人會否影響工作量？）除咗倒數活動外，佢同無綫嘅合作仲有好長時間，工作會繼續！一個女人，有神賜畀佢嘅婚姻，冇理由要佢犧牲，祝福佢嘅！」
文：影視組
|
鍾意就快D Share啦！
|
|
|