今晚《致命復活》連播兩集，一集交代黃德斌死，一集就係……交代big boss是誰。換言之，big boss應該唔係黃德斌。之前監製林志華同一眾演員宣傳嗰陣，都放風話唔止一個結局。即係有兩個big boss？又唔係。首先講big boss呢個問題。大佬，通常梗係最尾嗰集先至揭露身份，點會尾二嗰集就死咗0架…而噚晚嗰集，幾乎都已經呼之欲出，連把聲都出埋喇——十年前，當萬綺雯收到陳庭欣send俾佢嘅床照後，萬綺雯曾經同一個人講過呢件事，就係車上司機位睇唔到樣嗰個，聽聲已經知係曾偉權啦。曾偉權，係綁匪之一，有份輪姦陳庭欣仲殺死佢；之後又想強姦萬綺雯，最後俾及時趕至嘅黃德斌槍殺。但原來曾偉權同萬綺雯係識，兩人仲喺香港見過面。見面未幾郭晉安喺越南就遭綁架。畫公仔都唔使畫出腸喇……本來黃德斌死後，郭晉安同萬綺雯可以復合，仲齊齊返港迎接新生(仲有子聰…)，點知修女的出現(喺香港出現！)，踢爆一切，令安仔崩潰。然後，萬綺雯失蹤。咁之後係點，自己睇啦。呢度耍講番，兩個結局嘅問題。
據知，據知啦，係真係拍咗兩個結局，大佬就只得一個。都係據知啦，一個係普遍師奶fans想睇嘅結局，
另一個版本，會令你諗起大雄同叮噹。
自己諗。係喎，日前出席活動時預告會企番起身嘅CK張國強呢？不如又數下大台劇有幾多個CK(KC)？
來源 source: http://s.nextmedia.com
|
鍾意就快D Share啦！
|
|
|