「怪管家」、「矇查查」、「麥偵探」，都係90年代經典兒童節目《閃電傳真機》裏面嘅角色，呢啲角色都係由麥包扮演，鬼馬得意形象深入民心，之但係點解麥包哥哥當年要淪落到拍攝三級片呢！講出嚟你可能覺得好老土，但呢個又真係事實，咁究竟係咩原因呢？今年48歲嘅麥包，原名麥長青，87年參加無綫電視《超級新星大賽》，雖然落敗但都有加入大台，90年仲被安排到兒童節目《閃電傳真機》，同期嘅主持有譚玉瑛姐姐、黎芷珊姐姐同朱茵姐姐等。節目裏面，麥包經常要扮鬼扮馬，頗受小朋友歡迎。但96年，佢突然淪為三級片男星，接拍咗三級片《極度獸性》，戲中麥包仲要同女演員上演一幕火辣辣嘅床戲，認真該煨！事後麥包解釋：「唉！其實我欠政府啲稅，本來預咗筆錢㗎，點知老竇要入醫院做手術，咁咪唔夠錢囉。我已經分期付款還錢，不過我份人工都唔夠我每月還嘅數目。」據了解，當年麥包係欠稅局四萬幾蚊，以佢當時喺大台每月九千蚊嘅人工，咁有人開出咁有利嘅條件，話明佢唔使脫，所以咪接拍咗套戲囉！點知到拍攝時，電影公司就臨時加戲，咁麥包就無辜辜咁做咗三級片明星喇！
來源 source: http://s.nextmedia.com
|
鍾意就快D Share啦！
|
|
|