2016年12月12日 星期一

【獨家有片】《東張》李潤庭衰桃色入雪櫃 「有線幫」陸浩明有女五年街頭癡纏 __,李潤庭,陸浩明,

由有線過檔去無綫,加入余詠珊黨嘅前「新聞王子」李潤庭因為背妻偷食斷送大好前途,而同佢同樣由有線過檔嘅陸浩明(6號),雖然其貌不揚,但就憑住喺節目中不停駁肥媽MariaCordero嘴「博鬧」而成功俘虜一班fans,雖然佢把口o浪過油咁,個人睇落好似好花弗,但其實佢係個專一情人,平日冇乜緋聞,仲有個拍拖已經5年嘅模特兒女友陳詩欣(Ayan),算係個好仔嚟。大前日下晝5點,6號同Ayan,以及兩名女友 ...




其他影片:>>






由有線過檔去無綫,加入余詠珊黨嘅前「新聞王子」李潤庭因為背妻偷食斷送大好前途,而同佢同樣由有線過檔嘅陸浩明(6號),雖然其貌不揚,但就憑住喺節目中不停駁肥媽Maria Cordero嘴「博鬧」而成功俘虜一班fans,雖然佢把口o浪過油咁,個人睇落好似好花弗,但其實佢係個專一情人,平日冇乜緋聞,仲有個拍拖已經5年嘅模特兒女友陳詩欣(Ayan),算係個好仔嚟。大前日下晝5點,6號同Ayan,以及兩名女友人一齊現身銅鑼灣百德新街食街,見佢哋對現場嗰啲聖誕節裝飾好有興趣咁,影相留念是常識吧?喺節目做司儀好叻嘅6號,突然攝影大師上身,除咗影啲聖誕節佈置,佢仲教埋本身係做模特兒嘅女朋友擺甫士影相。每次影完一張相,佢哋都會即刻睇番個效果,一張相睇好耐吓,但6號似乎唔係幾滿意自己嘅作品,於是又叫Ayan埋位再影過。影完聖誕節佈置,6號再叫女友扮吓cute,又挨喺路邊啲欄杆咁又影一輪。如是者影咗20分鐘,6號發現行蹤暴露,表情有啲尷尬,於是就同女友分道揚鑣。睇番啲資料,Ayan係專業模特兒,曾經幫過路訊網(Roadshow)拍《18區美食女神》,佢係黃大仙區嘅代表,佢喺介紹片中都有提過自己平日鍾意下廚,招呼朋友試菜,仲話中西日韓泰越菜都難唔到佢。Ayan平日喺Instagram同facebook都有貼吓啲生活照同工作照,而佢亦會放閃,公開佢同男友6號啲sweet sweet合照,感情相當穩定。

(攝影:畢紹基) 6號同女友Ayan前日現身銅鑼灣食街 Ayan喺一棵聖誕樹裝飾前留影
之後即check效果 再接再厲 連朋友都跟埋一齊睇效果
到坐欄杆 再嚟扮cute Ayan喺facebook貼自己同6號啲相放閃(互聯網圖片)
Ayan仲有喺Instagram有生活照 Ayan幫過路訊網拍節目

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...