藝人陳華鑫（Gloria）日前搭乘國泰航空，原定到北海道歡度聖誕，但因為北海道風雪，加上航空公司令人失望的安排，令Gloria整個假期計劃告吹，損失達港幣5位數字！
飛北海道變去東京
Gloria接受東網電話訪問，她表示：「我係12月22日朝早9點由香港出發，前往北海道，原定下晝2、3點到埗，但好奇怪，架飛機最終飛咗去東京，仲要隔咗成個鐘，至被告知北海道降落唔到，所以飛咗去東京機場降落，去到東京又唔畀我哋離開機場，直至夜晚7、8點先話：『今日飛唔到，安排咗酒店，但要自己去，車程約45分鐘至1小時。』對於呢個安排，好多人都好忟，我都好失望！」
無奈返港
但Gloria的噩夢未完，她說：「國泰通知我哋第二朝9點去機場Check in，話12點幾可以起飛去北海道，等到12點幾，又話未飛得，要Delay到下晝3、4點，到我哋登咗機，又話飛唔到，要我哋落機返番機場，等到夜晚8、9點，宣布話航班取消，乘客可以揀飛返香港或者留東京，但全程自己搞掂，限我哋2個鐘內決定，時間好短，太急啦，我本來都想留東京玩，但聖誕節旺季好難臨時臨急book到酒店，結果我被迫搭飛機返香港。簡單嚟講，我由頭到尾只係喺飛機上面、機場入面同埋第一晚嗰間酒店度過咗我呢個假期！」
對國泰失望
Gloria坦言對國泰安排感到失望，她說：「我明白天氣差，但國泰安排欠佳又冇溝通，啲嘢講到唔清唔楚，往往Last Minute至同我哋講，我好失望！佢哋提供咗個電話，話張機要可以Refund，但打到去，只係記低咗啲資料，話會有人搵番我，到依家都未有消息，我都未知係咪真！連同北海道酒店、滑雪裝備、滑雪導師、滑雪課堂等等，今次總共損失港幣5位數字。（從今放棄唔搭國泰？）未知，以前一向搭開國泰，但今次真係好失望！」
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
|
鍾意就快D Share啦！
|
|
|