查看相片
無綫處境劇《愛．回家之八時入席》搵咗毛舜筠救亡拉收視，佢仲搵埋黃秋生客串、陳國邦同埋黎耀祥等一齊拍住上，當時毛舜筠仲講咗句：「如果陳國邦唔做，我都唔做！」，同親自打畀陳國邦，成功令已心灰兼離巢兩個月嘅陳國邦回頭，加簽一年合約。有傳話無綫冇兌現承諾做好製作，有時佢俾意見但幕後劇組又唔肯配合當聽唔到，所以搞到毛姐冇癮唔肯續約添食。毛舜筠就話佢一早已經決定咗年尾會去外國繼續佢嘅藍帶課程。
既然毛舜筠都唔續約，陳國邦亦再一次宣佈唔再續約。接受傳媒訪問後，陳國邦亦喺微博留言話想喺唔同嘅媒體平台繼續努力做戲。
查看相片
《八時入席》唔添食，下月頭就大結局，計劃播放由李添勝監製嘅賀歲倉劇《財神駕到》，而新一套嘅處境劇將會喺2月尾首播。
對於呢個決定， 陳國邦就話心情輕鬆同埋太太羅敏莊都支持。睇嚟今次真係去意已決了！
查看相片
來源 source: http://hk.celebrity.yahoo.com
|
鍾意就快D Share啦！
|
|
|